Заметили ошибку в тексте? Выделите её мышкой и нажмите Ctrl+Enter<<< | ОГЛАВЛЕНИЕ | БИБЛИОТЕКА | >>>
См. также: 1-е послание к Тимофею св. ап. Павла
(шрифт на основе старой кириллицы)
На церковно-славянском языке гражданским шрифтом
1 Павел, посланник иисус христов по повелению бога спаса нашего и господа иисуса христа упования нашего,
2 тимофею присному чаду в вере: благодать, милость, мир от бога отца нашего и христа иисуса господа нашего.
3 якоже умолих тя пребыти во ефесе, идый в македонию, да завещаеши неким не инако учити,
4 ниже внимати баснем и родословием безконечным, яже стязания творят паче, нежели божие строение, еже в вере.
5 Конец же завещания есть любы от чиста сердца и совести благия и веры нелицемерныя,
6 в нихже нецыи погрешивше, уклонишася в суесловия,
7 хотяще быти законоучителе, не разумеюще ни яже глаголют, ни о нихже утверждают.
8 (Зачало 279) Вемы же, яко добр закон (есть), аще кто его законне творит,
9 ведый сие, яко праведнику закон не лежитъ [не положенъ], но беззаконным и непокоривым, нечестивым (же) и грешником, неправеднымъ и скверным, отца и матере досадителем, мужеубийцам,
10 блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится,
11 по благовестию славы блаженнаго бога, еже мне уверено бысть.
12 (Зачало 280) И благодарю укрепляющаго мя христа иисуса господа нашего, яко верна мя непщева, положив (мя) в службу,
13 бывша мя иногда хулника и гонителя и досадителя: но помилован бых, яко неведый сотворих въ неверствии:
14 упреумножися же благодать господа нашего (иисуса христа) с верою и любовию яже о христе иисусе.
15 Верно слово и всякаго приятия достойно, яко христос иисус прииде в мир грешники спасти, от нихже первый есмь аз.
16 Но сего ради помилован бых, да во мне первемъ покажет иисус христос все долготерпение, за образ хотящих веровати ему в жизнь вечную.
17 царю же веков нетленному, невидимому, единому премудрому богу, честь и слава во веки веков. Аминь.
18 (Зачало 281) Сие же завещание предаю ти, чадо тимофее, по бывших на тя прежде пророчествиих, да воинствуеши в них доброе воинство,
19 имея веру и благую совесть, юже нецыи отринувше, от веры отпадоша:
20 от нихже есть вменей и александр, ихже предах сатане, да накажутся не хулити.
Зачало 282.
1 Молю убо прежде всех творити молитвы, моления, прошения, благодарения за вся человеки,
2 за царя и за всех, иже во власти суть, да тихое и безмолвное житие поживем во всяцемъ благочестии и чистоте:
3 сие бо добро и приятно пред спасителем нашимъ богом,
4 иже всем человеком хощет спастися и в разум истины приити.
5 един бо есть бог, и един ходатай бога и человеков, человек христос иисус,
6 давый себе избавление за всех: свидетелство времены своими,
7 в неже поставлен бых аз проповедникъ и апостол, истину глаголю о христе, не лгу, учитель языков в вере и истине.
8 Хощу убо, да молитвы творят мужие на всяцемъ месте, воздеюще преподобныя руки без гнева и размышления:
9 такожде и жены во украшении лепотнем, со стыдением и целомудрием да украшаютъ себе не в плетениих, ни златом, или бисерми, или ризами многоценными,
10 но, еже подобает женам обещавающимся благочестию, делы благими.
11 Жена в безмолвии да учится со всякимъ покорением:
12 жене же учити не повелеваю, ниже владети мужем, но быти в безмолвии.
13 Адам бо прежде создан бысть, потом же ева:
14 и адам не прельстися, жена же прельстившися, в преступлении бысть:
15 спасется же чадородия ради [чрез чадородие], аще пребудет в вере и любви и во святыни с целомудрием.
Зачало 283.
1 Верно слово: аще кто епископства хощет, добра дела желает.
2 Подобает убо епископу быти непорочну, единыя жены мужу, трезвену, целомудру, (благоговейну,) честну, страннолюбиву, учителну,
3 не пиянице, не бийце, не сварливу, не мшелоимцу, но кротку, (не завистливу,) не сребролюбцу,
4 свой дом добре правящу, чада имущу в послушании со всякою чистотою [честностию]:
5 аще же кто своего дому не умеет правити, како о церкви божией прилежати возможетъ?
6 не новокрещенну, да не разгордевся в суд впадетъ диаволь.
7 Подобает же ему и свидетелство добро имети от внешних, да не в поношение впадет и въ сеть неприязнену.
8 Диаконом такожде чистым [честнымъ], не двоязычным, не вину многу внимающим, не скверностяжателным,
9 имущим таинство веры в чистей совести.
10 И сии убо да искушаются прежде, потомъ же да служат, непорочни суще.
11 Женам такожде чистым [честнымъ], не клеветивым, (не навадницам,) трезвенным, верным во всем.
12 Диакони да бывают единыя жены мужие, чада добре правяще и своя домы:
13 ибо служившии добре степень себе добръ снискают и многое дерзновение в вере, яже о христе иисусе.
14 (Зачало 284) Сия пишу тебе, уповая приити к тебе скоро:
15 аще же замедлю, да увеси, како подобаетъ в дому божии жити, яже есть церковь бога жива, столп и утверждение истины.
16 И исповедуемо велия есть благочестия тайна: бог явися во плоти, оправдася в дусе, показася ангелом, проповедан бысть во языцех, веровася в мире, вознесеся во славе.
1 Дух же явственне глаголет, яко в последняя времена отступят нецыи от веры, внемлюще духовом лестчим и учением бесовским,
2 в лицемерии лжесловесник, сожженных своею совестию,
3 возбраняющих женитися, удалятися от брашен, яже бог сотвори в снедение со благодарениемъ верным и познавшим истину.
4 (Зачало 285) Зане всякое создание божие добро, и ничтоже отметно, со благодарением приемлемо,
5 освящается бо словом божиим и молитвою.
6 Сия вся сказуя братии, добр будеши служитель иисуса христа, питаемь словесы веры и добрымъ учением, емуже последовал еси.
7 Скверных же и бабиих басней отрицайся, обучай же себе ко благочистию:
8 телесное бо обучение вмале есть полезно, а благочистие на все полезно есть, обетование имеющее живота нынешняго и грядущаго.
9 Верно слово и всякаго приятия достойно.
10 На сие бо и труждаемся и поношаеми есмы, яко уповахом на бога жива, иже есть спаситель всем человеком, паче же верным.
11 Завещавай сия и учи.
12 Никтоже о юности твоей да нерадит: но образъ буди верным словом, житием, любовию, духом, верою, чистотою.
13 Дондеже прииду, внемли чтению, утешению, учению.
14 Не неради о своем даровании живущем в тебе, еже дано тебе бысть пророчеством с возложениемъ рук священничества.
15 В сих поучайся, в сих пребывай, (в сихъ разумевай,) да преспеяние твое явлено будетъ во всех.
16 Внимай себе и учению и пребывай в них: сия бо творя, и сам спасешися и послушающии тебе.
Зачало 285.
1 Старцу не твори пакости, но утешай [старца не укоряй, но умоляй] якоже отца: юноши, якоже братию:
2 старицы, якоже матери: юныя, якоже сестры, со всякою чистотою.
3 Вдовицы чти сущия истинныя вдовицы.
4 Аще же кая вдовица чада или внучата имать, да учатся прежде свой дом благочистиво устроити и взаем воздаяти родителем: сие бо есть благоугодно пред богом.
5 А сущая истинная вдовица и уединена, уповает на бога и пребывает в молитвахъ и молениих день и нощь:
6 питающаяся же пространно, жива умерла.
7 И сия завещавай, да непорочни будут.
8 Аще же кто о своих, паче же о присных [о домашнихъ] не промышляет, веры отверглся есть и невернаго горший есть.
9 Вдовица же да причитается не менши лет шестидесятих, бывши единому мужу жена,
10 в делех добрых свидетелствуема, аще чада воспитала есть, аще святых нозе умы, аще странныя прият, аще скорбным утешение бысть [скорбных снабде], аще всякому делу благу последовала есть.
11 (Зачало 286) Юных же вдовиц отрицайся: егда бо разсвирепеют о христе [противу христа], посягати хотят,
12 имущия грех, яко первыя веры отвергошася:
13 купно же и праздны учатся обходити домы, не точию же праздны, но и блядивы и оплазивы [любопытны], глаголющия, яже не подобает.
14 Хощу убо юным вдовицам посягати, чада раждати, дом строити, ни едины же вины даяти противному хулы ради:
15 се бо некия развратишася вслед сатаны.
16 Аще кто верен или верна имать вдовицы, да довлит их, и да не тяготится церковь, да сущих истинных вдовиц удоволит.
17 Прилежащии же добре пресвитери сугубыя чести да сподобляются: паче же труждающиися в слове и учении.
18 Глаголет бо писание: вола молотяща не обротиши: и: достоин делатель мзды своея.
19 На пресвитера хулы не приемли, разве при двою или триех свидетелех.
20 Согрешающих же пред всеми обличай, да и прочии страх имут.
21 Засвидетелствую пред богом, и господем иисусъ христом, и избранными (его) ангелы, да сия сохраниши без лицемерия, ничесоже творя по уклонению.
22 (Зачало 287) Руки скоро не возлагай ни на когоже, ниже приобщайся чужым грехом: себе чиста соблюдай.
23 Ктому не пий воды, но мало вина приемли, стомаха ради твоего и частых твоих недугов.
24 Неких (же) человек греси предъявлени суть, предваряюще на суд: неким же и последствуют.
25 Такожде и добрая дела предъявлена суть: и сущая инако, утаитися не могут.
1 Елицы суть под игом раби, своих господий всякия чести да сподобляют, да имя божие не хулится и учение.
2 Имущии же верных господий да не нерадятъ о них, понеже братия суть: но паче да работают, зане верни суть и возлюблени, иже благодать восприемлющии. Сия учи и моли.
3 Аще ли кто инако учит и не приступаетъ к здравым словесем господа нашего иисуса христа и учению, еже по благоверию,
4 разгордеся, ничтоже ведый, но недугуяй о стязаниих и словопрениих, от нихже бываетъ зависть, рвение, хулы, непщевания лукава,
5 беседы злыя растленных человеков умомъ и лишенных истины, непщующих приобретение быти благочистие. отступай от таковых.
6 есть же снискание велие благочистие с доволством.
7 Ничтоже бо внесохом в мир сей: яве, яко ниже изнести что можем.
8 Имеюще же пищу и одеяние, сими доволни будем.
9 А хотящии богатитися впадают в напасти и сеть, и в похоти многи несмысленны и вреждающия, яже погружают человеки во всегубителство и погибель:
10 корень бо всем злым сребролюбие есть, егоже нецыи желающе заблудиша от веры, и себе пригвоздиша болезнем многим.
11 Ты же, о, человече божий, сих бегай: (Зачало 288) гони же правду, благочистие, веру, любовь, терпение, кротость:
12 подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание предъ многими свидетели.
13 Завещаваю ти пред богом оживляющим всяческая, и христом иисусом свидетелствовавшим при понтийстемъ пилате доброе исповедание:
14 соблюсти тебе заповедь нескверну и незазорну, даже до явления господа нашего иисуса христа,
15 еже во своя времена явит блаженный и един сильный, царь царствующих и господь господствующих,
16 един имеяй безсмертие и во свете живый неприступнем, егоже никтоже видел есть от человек, ниже видети может: емуже честь и держава вечная. Аминь.
17 (Зачало 289) Богатым в нынешнем веце запрещай не высокомудрствовати, ниже уповати на богатство погибающее, но на бога жива, дающаго нам вся обилно в наслаждение:
18 благое делати, богатитися в делех добрых, благоподатливым быти, общителным,
19 сокровищующе себе основание добро в будущее, да приимут вечную жизнь.
20 о, тимофее, предание сохрани, уклоняяся скверных суесловий и прекословий лжеименнаго разума:
21 о немже нецыи хвалящеся, о вере погрешиша. благодать с тобою. Аминь.
Конец посланию первому еже к тимофею святаго апостола павла: имать в себе глав 6, зачалъ же церковных 12.
Заметили ошибку в тексте? Выделите её мышкой и нажмите Ctrl+Enter
<<< | ОГЛАВЛЕНИЕ | БИБЛИОТЕКА | >>>