Заметили ошибку в тексте? Выделите её мышкой и нажмите Ctrl+Enter<<< | ОГЛАВЛЕНИЕ | БИБЛИОТЕКА | >>>
См. также: Послание к Галатам св. ап. Павла
(шрифт на основе старой кириллицы)
На церковно-славянском языке гражданским шрифтом
1 Павел, апостол ни от человек, ни человеком, но иисус христом и богом отцем воскресившимъ его из мертвых,
2 и иже со мною вся братия, церквам галатийским:
3 (Зачало 199) благодать вам и мир от бога отца и господа нашего иисуса христа,
4 давшаго себе по гресех наших, яко да избавит нас от настоящаго века лукаваго, по воли бога и отца нашего,
5 емуже слава во веки веков. Аминь.
6 Чуждуся, яко тако скоро прелагаетеся от звавшаго вы благодатию христовою, во ино благовествование:
7 еже несть ино, точию нецыи суть смущающии вы и хотящии превратити благовествование христово.
8 Но и аще мы, или ангел с небесе благовеститъ вам паче, еже благовестихом вам, анафема да будет.
9 якоже предрекохом, и ныне паки глаголю: аще кто вам благовестит паче, еже приясте, анафема да будет.
10 ныне бо человеки препираю, или бога, или ищу человеком угождати? Аще бо бых еще человеком угождал, христов раб не быхъ убо был.
11 (Зачало 200) Сказую же вам, братие, благовествование благовещенное от мене, яко несть по человеку:
12 ни бо аз от человека приях е, ниже научихся, но явлением иисус христовым.
13 Слышасте бо мое житие иногда в жидовстве, яко по премногу гоних церковь божию и разрушахъ ю,
14 и преспевах в жидовстве паче многих сверстникъ моих в роде моем, излиха ревнитель сый отеческихъ моих преданий.
15 егда же благоволи бог, избравый мя от чрева матере моея и призвавый благодатию своею,
16 явити сына своего во мне, да благовествую его во языцех, абие не приложихся плоти и крови,
17 ни взыдох во иерусалим к первейшим мене апостолом, но идох во аравию и паки возвратихся в дамаск.
18 Потом же по триех летех взыдох во иерусалимъ соглядати петра, и пребых у него дний пятьнадесять.
19 Иного же от апостол не видех, токмо иакова брата господня.
20 А яже пишу вам, се пред богом, яко не лгу.
21 Потом же приидох в страны сврския и киликийския.
22 Бех же не знаемь лицем церквам иудейским, яже о христе,
23 точию же слышаще бяху, яко гоняй нас иногда, ныне благовествует веру, юже иногда разрушаше:
24 и славляху о мне бога.
1 Потом же по четыренадесяти летех паки взыдохъ во иерусалим с варнавою, поем с собою и тита.
2 Взыдох же по откровению, и предложих имъ благовествование, еже проповедую во языцех, на едине же мнимым, да не како вотще теку, или текох.
3 Но ни тит, иже со мною, еллин сый, нужденъ бысть обрезатися.
4 И за пришедшую лжебратию, иже привнидоша соглядати свободы нашея, юже имамы о христе иисусе, да нас поработят:
5 имже ни к часу повинухомся в покорение, да истина благовестия пребудет в вас.
6 (Зачало 201) от мнящихся же быти что, якови некогда беша, ничтоже ми разнствует: лица бог человеча не приемлет. Мне бо мнимии ничтоже привозложиша:
7 но сопротивное, уразумевше, яко уверено ми бысть благовестие необрезания, якоже петру обрезания:
8 ибо споспешествовавый петру в послание обрезания, споспешествова и мне во языки:
9 и познавше благодать данную ми, иаков и кифа и иоанн, мнимии столпи быти, десницы даша мне и варнаве общения, да мы во языки, они же во обрезание,
10 точию нищих да помнима: еже и потщахся сие истое сотворити.
11 (Зачало 202) егда же прииде петр во антиохию, в лице ему противустах, яко зазорен бе.
12 Прежде бо даже не приити неким от иакова, с языки ядяше: егда же приидоша, опряташеся и отлучашеся, бояся сущих от обрезания.
13 И лицемеришася с ним и прочии иудеи, яко и варнаве пристати лицемерству их.
14 Но егда видех, яко не право ходятъ ко истине благовествования, рекох петру предъ всеми: аще ты, иудей сый, язычески, а не иудейски живеши, почто языки нудиши иудейски жителствовати?
15 Мы естеством иудее, а не от языкъ грешницы:
16 (Зачало 203) уведевше же, яко не оправдится человек от дел закона, но токмо верою иисусъ христовою, и мы во христа иисуса веровахом, да оправдимся от веры христовы, а не от делъ закона: зане не оправдится от дел закона всяка плоть.
17 Аще ли, ищуще оправдитися о христе, обретохомся и сами грешницы, христос убо греху ли служитель? Да не будет.
18 Аще бо, яже разорих, сия паки созидаю, преступника себе представляю.
19 Аз бо законом закону умрох, да богови жив буду. христови сраспяхся:
20 живу же не ктому аз, но живет во мне христос. А еже ныне живу во плоти, верою живу сына божия, возлюбившаго мене и предавшаго себе по мне.
21 (Зачало 204) Не отметаю благодати божия. Аще бо законом правда, убо христос туне умре.
1 О, несмысленнии галате, кто вы прельстилъ есть не покоритися истине, имже пред очима иисус христос преднаписан бысть, в вас распятъ?
2 Сие едино хощу уведети от вас: от дел ли закона духа приясте, или от слуха веры?
3 Тако ли несмысленни есте? наченше духом, ныне плотию скончаваете?
4 Толика пострадасте туне? Аще точию и туне.
5 Подаяй убо вам духа и действуяй силы в вас, от дел ли закона, или от слуха веры?
6 якоже авраам верова богу, и вменися ему в правду.
7 Разумейте убо, яко сущии от веры, сии суть сынове авраамли.
8 (Зачало 205) Предувидевшее же писание, яко от веры оправдает языки бог, прежде благовествова аврааму, яко благословятся о тебе вси языцы.
9 Темже сущии от веры, благословятся с вернымъ авраамом:
10 елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я.
11 А яко в законе никтоже оправдается от бога, яве, яко праведный от веры жив будет.
12 Закон же несть от веры: но сотворивый та человек жив будет в них.
13 (Зачало 206) христос ны искупил есть от клятвы законныя, быв по нас клятва: писано бо есть: проклят всяк висяй на древе:
14 да в языцех благословение авраамле будетъ о христе иисусе, да обетование духа приимемъ верою.
15 (Зачало 207) Братие, по человеку глаголю: обаче человеческаго предутвержденна завета никтоже отметает или приповелевает.
16 Аврааму же речени быша обеты, и семени его. Не глаголет (же): и семенем, яко о мнозех, но яко о едином: и семени твоему, иже есть христос.
17 Сие же глаголю, завета предутвержденнаго от бога во христа, бывый по летех четыриста и тридесятих закон не отметает, во еже разорити обетование.
18 Аще бо от закона наследие, не ктому (уже) от обетования: аврааму же обетованием дарова бог.
19 Что убо законъ? Преступлений ради приложися, дондеже приидет семя, емуже обетовася, вчинен ангелы, рукою ходатая.
20 Ходатай же единаго несть, бог же единъ есть.
21 Закон ли убо противу обетованиемъ божиимъ? Да не будет. Аще бо дан бысть законъ могий оживити, воистинну от закона бы была правда:
22 но затвори писание всех под грехом, да обетование от веры иисус христовы дастся верующим.
23 (Зачало 208) Прежде же пришествия веры, подъ законом стрегоми бехом, затворени в хотящую веру открытися.
24 Темже закон пестун нам бысть во христа, да от веры оправдимся:
25 пришедшей же вере, уже не под пестуномъ есмы.
26 Вси бо вы сынове божии есте верою о христе иисусе:
27 елицы бо во христа крестистеся, во христа облекостеся.
28 Несть иудей, ни еллин: несть раб, ни свободь: несть мужеский пол, ни женский: вси бо вы едино есте о христе иисусе.
29 Аще ли вы христовы, убо авраамле семя есте, и по обетованию наследницы.
1 Глаголю же: в елико время наследник младъ есть, ничимже лучший есть раба, господь сый всех:
2 но под повелители и приставники есть даже до нарока отча.
3 Такожде и мы, егда бехом млади, подъ стихиами бехом мира порабощени:
4 (Зачало 209) егда же прииде кончина лета, посла бог сына своего единороднаго, раждаемаго от жены, бываема под законом,
5 да подзаконныя искупит, да всыновление восприимем.
6 И понеже есте сынове, посла бог духа сына своего в сердца ваша, вопиюща: авва отче.
7 Темже уже неси раб, но сын: аще ли же сын, и наследник божий иисус христом.
8 (Зачало 210) Но тогда убо не ведуще бога, служисте не по естеству сущим богом:
9 ныне же, познавше бога, паче же познани бывше от бога, како возвращаетеся паки на немощныя и худыя стихии, имже паки свыше [вспять] служити хощете?
10 дни смотряете, и месяцы, и времена, и лета.
11 Боюся о вас, еда како всуе трудихся в вас.
12 Будите якоже аз, зане и аз, якоже вы: братие, молю вы. Ничимже мене обидесте:
13 весте же, яко за немощь плоти благовестихъ вам первее:
14 и искушения моего, еже во плоти моей, не уничижисте, ни оплевасте, но якоже ангела божия приясте мя, яко христа иисуса.
15 Кое убо бяше блаженство ваше? Свидетелствую бо вам, яко, аще бы было мощно, очеса ваша извертевше дали бысте ми.
16 Темже враг вам бых, истину вам глаголя?
17 Ревнуют по вас не добре, но отлучити васъ хотят, да им ревнуете.
18 Добро же, еже ревновати всегда в добрем, и не точию внегда приходити ми к вам.
19 Чадца моя, имиже паки болезную, дондеже вообразится христос в вас:
20 хотел же бых приити к вам ныне и изменити глас мой, яко не домышляюся о вас.
21 Глаголите ми, иже под законом хощете быти: закона ли не слушаете?
22 Писано бо есть, яко авраам два сына име: единаго от рабы, а другаго от свободныя.
23 Но иже от рабы, по плоти родися: а иже от свободныя, по обетованию.
24 яже суть иносказаема: сия бо еста два завета: един убо от горы синайския, в работу раждаяй, иже есть агарь:
25 агарь бо, сина гора есть во аравии, прилагается же нынешнему иерусалиму, работает же с чады своими:
26 а вышний иерусалим свободь есть, иже есть мати всем нам.
27 Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.
28 (Зачало 211) Мы же, братие, по исааку обетования чада есмы.
29 Но якоже тогда по плоти родивыйся гоняше духовнаго, тако и ныне.
30 Но что глаголет писание? Изжени рабу и сына ея, не имать бо наследовати сын рабынинъ с сыном свободныя.
31 Темже, братие, несмы рабынина чада, но свободныя.
1 Свободою убо, еюже христос нас свободи, стойте, и не паки под игом работы держитеся.
2 Се аз павел глаголю вам, яко аще обрезаетеся, христос вас ничтоже пользует.
3 Свидетелствую же паки всякому человеку обрезающемуся, яко должен есть весь закон творити.
4 упразднистеся от христа, иже закономъ оправдаетеся, от благодати отпадосте:
5 мы бо духом от веры упования правды ждем.
6 о христе бо иисусе ни обрезание что может, ни необрезание, но вера любовию поспешествуема.
7 Течасте добре: кто вам возбрани не покарятися истине?
8 Препрение не от призвавшаго вы.
9 Мал квас все смешение квасит.
10 Аз надеюся о вас в господе, яко ничтоже ино разумети будете: смущаяй же вас понесетъ грех, кто бы ни был.
11 (Зачало 212) Аз же, братие, аще обрезание еще проповедую, почто еще гонимь есмь? убо упразднися соблазн креста.
12 о, дабы отсечени были развращающии вас.
13 Вы бо на свободу звани бысте, братие: точию да не свобода ваша в вину плоти, но любовию работайте друг другу.
14 Ибо вес закон в единем словеси исполняется, во еже: возлюбиши ближняго твоего якоже себе.
15 Аще же друг друга угрызаете и снедаете, блюдитеся, да не друг от друга истреблени будете.
16 Глаголю же: духом ходите, и похоти плотския не совершайте:
17 плоть бо похотствует на духа, дух же на плоть: сия же друг другу противятся, да не яже хощете, сия творите.
18 Аще ли духом водими есте, несте подъ законом.
19 явлена же суть дела плотская, яже суть прелюбодеяние, блуд, нечистота, студодеяние,
20 идолослужение, чародеяния, вражды, рвения, завиды, ярости, разжжения, распри, соблазны, ереси,
21 зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии царствия божия не наследят.
22 (Зачало 213) Плод же духовный есть любы, радость, мир, долготерпение, благость, милосердие, вера,
23 кротость, воздержание: на таковых несть закона.
24 А иже христовы суть, плоть распяша со страстьми и похотьми.
25 Аще живем духом, духом и да ходим.
26 Не бываим тщеславни, друг друга раздражающе, друг другу завидяще.
1 Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши.
2 (Зачало 214) Друг друга тяготы носите, и тако исполните закон христов.
3 Аще бо кто мнит себе быти что, ничтоже сый, умом льстит себе.
4 Дело же свое да искушает кийждо, и тогда в себе точию хваление да имать, а не во инем:
5 кийждо бо свое бремя понесет.
6 Да общается же учяйся словеси учащему во всех благих.
7 Не льститеся: бог поругаемь не бывает. еже бо аще сеет человек, тожде и пожнет:
8 яко сеяй в плоть свою, от плоти пожнетъ истление: а сеяй в дух, от духа пожнетъ живот вечный.
9 Доброе же творяще, да не стужаем си: во время бо свое пожнем, не ослабеюще.
10 Темже убо, дондеже время имамы, да делаимъ благое ко всем, паче же к присным в вере.
11 (Зачало 215) Видите, колицеми книгами писахъ вам моею рукою.
12 елицы хотят хвалитися по плоти, сии нудятъ вы обрезатися, точию да не креста ради христова гоними будут:
13 ни бо обрезающиися сами закон хранят, но хотят вам обрезоватися, да в вашей плоти похвалятся:
14 мне же да не будет хвалитися, токмо о кресте господа нашего иисуса христа, имже мне мир распятся, и аз миру.
15 о христе бо иисусе ни обрезание что может, ни необрезание, но нова тварь.
16 И елицы правилом сим жителствуют, миръ на них и милость, и на израили божии.
17 Прочее, труды да никтоже ми дает: аз бо язвы господа иисуса на теле моем ношу.
18 благодать господа нашего иисуса христа со духомъ вашим, братие. Аминь.
Конец посланию к галатом: имать в себе главъ 6, зачал же церковных 18.
Заметили ошибку в тексте? Выделите её мышкой и нажмите Ctrl+Enter
<<< | ОГЛАВЛЕНИЕ | БИБЛИОТЕКА | >>>