Заметили ошибку в тексте? Выделите её мышкой и нажмите Ctrl+Enter<<< | ОГЛАВЛЕНИЕ | БИБЛИОТЕКА | >>>
См. также: 2-е Соборное послание св. ап. Иоанна Богослова
(шрифт на основе старой кириллицы)
На церковно-славянском языке гражданским шрифтом
Глава 1.
Зачало 75.
1 Старец избранней госпоже и чадом ея, ихже аз люблю воистинну, и не аз точию, но и вси разумевшии истину,
2 за истину пребывающую в нас, и с нами будетъ во веки:
3 да будет с вами благодать, милость, мир от бога отца, и от господа иисуса христа, сына отча, во истине и любви.
4 Возрадовахся зело, яко обретох от чадъ твоих ходящих во истине, якоже заповедь прияхом от отца.
5 И ныне молю тя, госпоже, не яко заповедь пишу тебе нову, но юже имамы исперва, да любим друг друга.
6 И сия есть любы, да ходим по заповедемъ его. Сия есть заповедь, якоже слышасте исперва, да в ней ходите:
7 зане мнози лестцы внидоша в мир, не исповедающе иисуса христа пришедша во плоти, сей есть льстецъ и антихрист.
8 Блюдите себе, да не погубите яже деласте добрая, но да мзду совершенну восприимете.
9 Всяк преступаяй и не пребываяй во учении христове бога не имать: пребываяй же во учении христове, сей и отца и сына имать.
10 Аще кто приходит к вам, и сего учения не приносит, не приемлите его в дом, и радоватися ему не глаголите:
11 глаголяй бо ему радоватися, сообщается деломъ его злым.
12 Многа имех писати вам, и не восхотехъ хартиею и чернилом, но надеюся приити к вамъ и усты ко устом глаголати, да радость ваша будет исполнена.
13 Целуют тя чада сестры твоея избранныя. Аминь.
Конец соборному посланию иоаннову второму: имать в себе главу 1 и зачало церковное 1.
Заметили ошибку в тексте? Выделите её мышкой и нажмите Ctrl+Enter
<<< | ОГЛАВЛЕНИЕ | БИБЛИОТЕКА | >>>