Заметили ошибку в тексте? Выделите её мышкой и нажмите Ctrl+Enter<<< | ОГЛАВЛЕНИЕ | БИБЛИОТЕКА | >>>
См. также: Евангелие от Матфея
(шрифт на основе старой кириллицы)
Евангелие на церковно-славянском языке гражданским шрифтом
Главы: 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28
1 Книга родства иисуса христа, сына давидова, сына авраамля.
2 Авраам роди исаака. исаак же роди иакова. иаков же роди иуду и братию его.
3 иуда же роди фареса и зару от фамары. Фаресъ же роди есрома. есром же роди арама.
4 Арам же роди аминадава. Аминадав же роди наассона. Наассон же роди салмона.
5 Салмон же роди вооза от рахавы. Вооз же роди овида от руфы. овид же роди иессеа.
6 иессей же роди давида царя. давид же царь роди соломона от уриины.
7 Соломон же роди ровоама. Ровоам же роди авию. Авиа же роди асу.
8 Аса же роди иосафата. иосафат же роди иорама. иорам же роди озию.
9 озиа же роди иоафама. иоафам же роди ахаза. Ахаз же роди езекию.
10 езекиа же роди манассию. Манассиа же роди амона. Амон же роди иосию.
11 иосиа же роди иехонию и братию его, в преселение вавилонское [Ст. 11 в некиих греч.: иосиа же роди иоакима и братию его. иоакимъ же роди иехонию в преселение вавилонское.].
12 По преселении же вавилонстем, иехониа роди салафииля. Салафииль же роди зоровавеля.
13 Зоровавель же роди авиуда. Авиуд же роди елиакима. елиаким же роди азора.
14 Азор же роди садока. Садок же роди ахима. Ахим же роди елиуда.
15 елиуд же роди елеазара. елеазаръ же роди матфана. Матфан же роди иакова.
16 иаков же роди иосифа, мужа мариина, изъ неяже родися иисус, глаголемый христос.
17 Всех же родов от авраама до давида родове четыренадесяте: и от давида до преселения вавилонскаго родове четыренадесяте: и от преселения вавилонскаго до христа родове четыренадесяте.
18 (Зачало 2) иисус христово рождество сице бе: обрученней бо бывши матери его марии иосифови, прежде даже не снитися има, обретеся имущи во чреве от духа свята.
19 иосиф же муж ея, праведн сый и не хотя ея обличити, восхоте тай пустити ю.
20 Сия же ему помыслившу, се, ангел господень во сне явися ему, глаголя: иосифе, сыне давидов, не убойся прияти мариам жены твоея: рождшеебося в ней, от духа есть свята:
21 родит же сына, и наречеши имя ему иисус: той бо спасет люди своя от грех их.
22 Сие же все бысть, да сбудется реченное от господа пророком, глаголющим:
23 се, дева во чреве приимет и родит сына, и нарекут имя ему еммануил, еже есть сказаемо: с нами бог.
24 Востав же иосиф от сна, сотвори якоже повеле ему ангел господень, и прият жену свою,
25 и не знаяше ея, дондеже роди сына своего первенца, и нарече имя ему иисус.
1 Иисусу же рождшуся в вифлееме иудейстем во дни ирода царя, се, волсви от восток приидоша во иерусалим, глаголюще:
2 где есть рождейся царь иудейский? видехомъ бо звезду его на востоце и приидохом поклонитися ему.
3 Слышав же ирод царь смутися, и весь иерусалимъ с ним.
4 И собрав вся первосвященники и книжники людския, вопрошаше от них: где христос раждается?
5 они же рекоша ему: в вифлееме иудейстем, тако бо писано есть пророком:
6 и ты, вифлееме, земле иудова, ни чимже менши еси во владыках иудовых: из тебе бо изыдет вождь, иже упасет люди моя израиля.
7 Тогда ирод тай призва волхвы, и испытоваше от них время явльшияся звезды,
8 и послав их в вифлеем, рече: шедше испытайте известно о отрочати: егда же обрящете, возвестите ми, яко да и аз шед поклонюся ему.
9 они же послушавше царя, идоша. И се, звезда, юже видеша на востоце, идяше пред ними, дондеже пришедши ста верху, идеже бе отроча.
10 Видевше же звезду, возрадовашася радостию велиею зело,
11 и пришедше в храмину, видеша отроча съ мариею материю его, и падше поклонишася ему: и отверзше сокровища своя, принесоша ему дары, злато и ливан и смирну.
12 И весть приемше во сне не возвратитися ко ироду, иным путем отидоша во страну свою.
13 (Зачало 4) отшедшим же им, се, ангел господень во сне явися иосифу, глаголя: востав поими отроча и матерь его, и бежи во египет, и буди тамо, дондеже реку ти: хощет бо иродъ искати отрочате, да погубит е.
14 он же востав, поят отроча и матерь его нощию, и отиде во египет,
15 и бе тамо до умертвия иродова: да сбудется реченное от господа пророком, глаголющим: от египта воззвах сына моего.
16 Тогда ирод видев, яко поруган бысть от волхвов, разгневася зело и послав изби вся дети сущия в вифлееме и во всех пределехъ его, от двою лету и нижайше, по времени, еже известно испыта от волхвов.
17 Тогда сбыстся реченное иеремием пророком, глаголющим:
18 глас в раме слышан бысть, плачь и рыдание и вопль мног: рахиль плачущися чад своих, и не хотяше утешитися, яко не суть.
19 умершу же ироду, се, ангел господень во сне явися иосифу во египте,
20 глаголя: востав поими отроча и матерь его и иди в землю израилеву, изомроша бо ищущии души отрочате.
21 он же востав, поят отроча и матерь его и прииде в землю израилеву.
22 Слышав же, яко архелай царствует во иудеи вместо ирода отца своего, убояся тамо ити: весть же приемь во сне, отиде в пределы галилейския.
23 И пришед вселися во граде нарицаемем назарет: яко да сбудется реченное пророки, яко назорей наречется.
1 Во дни же оны прииде иоанн креститель, проповедая в пустыни иудейстей
2 и глаголя: покайтеся, приближибося царствие небесное.
3 Сей бо есть реченный исаием пророком, глаголющим: глас вопиющаго в пустыни: уготовайте путь господень, правы творите стези его.
4 Сам же иоанн имяше ризу свою от власъ велблуждь, и пояс усмен о чреслех своих: снедь же его бе пружие и мед дивий.
5 Тогда исхождаше к нему иерусалима, и вся иудеа, и вся страна иорданская,
6 и крещахуся во иордане от него, исповедающе грехи своя.
7 Видев же (иоаннъ) многи фарисеи и саддукеи грядущия на крещение его, рече им: рождения ехиднова, кто сказа вам бежати от будущаго гнева?
8 сотворите убо плод достоин покаяния,
9 и не начинайте глаголати в себе: отца имамы авраама: глаголю бо вам, яко можетъ бог от камения сего воздвигнути чада аврааму:
10 уже бо и секира при корени древа лежит: всяко убо древо, еже не творит плода добра, посекаемо бывает и во огнь вметаемо:
11 аз убо крещаю вы водою в покаяние: грядый же по мне креплий мене есть, емуже несмь достоин сапоги понести: той вы креститъ духом святым и огнем:
12 емуже лопата в руце его, и отребитъ гумно свое, и соберет пшеницу свою в житницу, плевы же сожжет огнем негасающим.
13 (Зачало 6) Тогда приходит иисус от галилеи на иордан ко иоанну креститися от него.
14 иоанн же возбраняше ему, глаголя: азъ требую тобою креститися, и ты ли грядеши ко мне?
15 отвещав же иисус рече к нему: остави ныне: тако бо подобает нам исполнити всяку правду. Тогда остави его.
16 И крестився иисус взыде абие от воды: и се, отверзошася ему небеса, и виде духа божия сходяща яко голубя и грядуща на него.
17 И се, глас с небесе глаголя: сей есть сынъ мой возлюбленный, о немже благоволих.
1 Тогда иисус возведен бысть духом в пустыню искуситися от диавола,
2 и постився дний четыредесять и нощий четыредесять, последи взалка.
3 И приступль к нему искуситель рече: аще сын еси божий, рцы, да камение сие хлебы будут.
4 он же отвещав рече: писано есть: не о хлебе единем жив будет человек, но о всяцем глаголе исходящем изо устъ божиих.
5 Тогда поят его диавол во святый град, и постави его на криле церковнем,
6 и глагола ему: аще сын еси божий, верзися низу: писано бо есть, яко ангелом своимъ заповесть о тебе (сохранити тя), и на рукахъ возмут тя, да не когда преткнеши о камень ногу твою.
7 Рече (же) ему иисус: паки писано есть: не искусиши господа бога твоего.
8 Паки поят его диавол на гору высоку зело, и показа ему вся царствия мира и славу их,
9 и глагола ему: сия вся тебе дам, аще пад поклонишимися.
10 Тогда глагола ему иисус: иди за мною, сатано: писано бо есть: господу богу твоему поклонишися и тому единому послужиши.
11 Тогда остави его диавол, и се, ангели приступиша и служаху ему.
12 (Зачало 8) Слышав же иисус, яко иоанн преданъ бысть, отиде в галилею,
13 и оставль назарет, пришед вселися в капернаумъ в поморие, в пределех завулоних и неффалимлих:
14 да сбудется реченное исаием пророком, глаголющим:
15 земля завулоня и земля неффалимля, путь моря об он пол иордана, галилеа язык,
16 людие седящии во тме видеша свет велий, и седящим в стране и сени смертней, светъ возсия им.
17 оттоле начат иисус проповедати и глаголати: покайтеся, приближися бо царство небесное.
18 (Зачало 9) Ходя же при мори галилейстем, виде два брата, симона глаголемаго петра, и андреа брата его, вметающа мрежи в море, беста бо рыбаря:
19 и глагола има: грядита по мне, и сотворю вы ловца человеком.
20 она же абие оставльша мрежи, по немъ идоста.
21 И прешед оттуду, виде ина два брата, иакова зеведеева, и иоанна брата его, въ корабли с зеведеом отцем ею, завязующа мрежи своя, и воззва я.
22 она же абие оставльша корабль и отца своего, по нем идоста.
23 И прохождаше всю галилею иисус, учя на сонмищах их и проповедая евангелие царствия, исцеляя всяк недуг и всяку язю в людех.
24 И изыде слух его по всей сирии: и приведоша к нему вся болящия, различными недуги и страстьми одержимы, и бесны, и месячныя, и разслабленныя (жилами): и исцели их.
25 (Зачало 10) И по нем идоша народи мнози от галилеи и десяти град, и от иерусалима и иудеи, и со онаго полу иордана.
1 Узрев же народы, взыде на гору: и седшу ему, приступиша к нему ученицы его.
2 И отверз уста своя, учаше их, глаголя:
3 блажени нищии духом: яко тех есть царствие небесное.
4 блажени плачущии: яко тии утешатся.
5 блажени кротцыи: яко тии наследят землю.
6 блажени алчущии и жаждущии правды: яко тии насытятся.
7 блажени милостивии: яко тии помиловани будут.
8 блажени честии сердцем: яко тии бога узрят.
9 блажени миротворцы: яко тии сынове божии нарекутся.
10 блажени изгнани правды ради: яко техъ есть царствие небесное.
11 блажени есте, егда поносят вам, и ижденут, и рекут всяк зол глагол на вы лжуще, мене ради:
12 радуйтеся и веселитеся, яко мзда ваша многа на небесех: тако бо изгнаша пророки, иже (беша) прежде вас.
13 Вы есте соль земли: аще же соль обуяет, чим осолится? ни во чтоже будет ктому, точию да изсыпана будет вон и попираема человеки.
14 (Зачало 11) Вы есте свет мира: не можетъ град укрытися верху горы стоя:
15 ниже вжигают светилника и поставляют его под спудом, но на свещнице, и светит всем, иже в храмине (суть).
16 Тако да просветится свет ваш пред человеки, яко да видят ваша добрая дела и прославятъ отца вашего, иже на небесех.
17 (Да) не мните, яко приидох разорити закон, или пророки: не приидох разорити, но исполнити.
18 Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.
19 Иже аще разорит едину заповедий сихъ малых и научит тако человеки, мний наречется в царствии небеснем: а иже сотворит и научит, сей велий наречется в царствии небеснем.
20 (Зачало 12) глаголю бо вам, яко аще не избудетъ правда ваша паче книжник и фарисей, не внидете в царствие небесное.
21 Слышасте, яко речено бысть древним: не убиеши: иже (бо) аще убиет, повиненъ есть суду.
22 Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней.
23 Аще убо принесеши дар твой ко олтарю и ту помянеши, яко брат твой имать нечто на тя:
24 остави ту дар твой пред олтарем и шед прежде смирися с братом твоим, и тогда пришед принеси дар твой.
25 Буди увещаваяся с соперником твоимъ скоро, дондеже еси на пути с ним, да не предастъ тебе соперник судии, и судия тя предаст слузе, и в темницу ввержен будеши:
26 аминь глаголю тебе: не изыдеши оттуду, дондеже воздаси последний кодрант.
27 (Зачало 13) Слышасте, яко речено бысть древним: не прелюбы сотвориши.
28 Аз же глаголю вам, яко всяк, иже воззритъ на жену ко еже вожделети ея, уже любодействова с нею в сердцы своем:
29 аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну (огненную):
30 и аще десная твоя рука соблажняет тя, усецы ю и верзи от себе: уне бо ти есть, да погибнет един от удъ твоих, а не все тело твое ввержено будетъ в геенну.
31 Речено же бысть, яко иже аще пуститъ жену свою, да даст ей книгу распустную.
32 Аз же глаголю вам, яко всяк отпущаяй жену свою, разве словесе любодейнаго, творит ю прелюбодействовати: и иже пущеницу поймет, прелюбодействует.
33 (Зачало 14) Паки слышасте, яко речено бысть древним: не во лжу кленешися, воздаси же господеви клятвы твоя.
34 Аз же глаголю вам не клятися всяко: ни небом, яко престол есть божий:
35 ни землею, яко подножие есть ногама его: ни иерусалимом, яко град есть великаго царя:
36 ниже главою твоею кленися, яко не можеши власа единаго бела или черна сотворити:
37 буди же слово ваше: ей, ей: ни, ни: лишше же сею от неприязни есть.
38 Слышасте, яко речено бысть: око за око, и зуб за зуб.
39 Аз же глаголю вам не противитися злу: но аще тя кто ударит в десную твою ланиту, обрати ему и другую:
40 и хотящему судитися с тобою и ризу твою взяти, отпусти ему и срачицу:
41 и аще кто тя поймет по силе поприще едино, иди с ним два.
42 (Зачало 15) Просящему у тебе дай, и хотящаго от тебе заяти не отврати.
43 Слышасте, яко речено есть: возлюбиши искренняго твоего и возненавидиши врага твоего.
44 Аз же глаголю вам: любите враги ваша, благословите кленущия вы, добро творите ненавидящим вас, и молитеся за творящих вам напасть и изгонящия вы,
45 яко да будете сынове отца вашего, иже есть на небесех: яко солнце свое сияетъ на злыя и благия и дождит на праведныя и на неправедныя.
46 Аще бо любите любящих вас, кую мзду имате? не и мытари ли тожде творятъ?
47 И аще целуете други ваша токмо, что лишше творите? не и язычницы ли такожде творятъ?
48 Будите убо вы совершени, якоже отецъ ваш небесный совершен есть.
1 Внемлите милостыни вашея не творити пред человеки, да видими будете ими: аще ли же ни, мзды не имате от отца вашего, иже есть на небесех.
2 егда убо твориши милостыню, не воструби пред собою, якоже лицемери творят в сонмищихъ и в стогнах, яко да прославятся от человек. Аминь глаголю вам, восприемлют мзду свою.
3 Тебе же творящу милостыню, да не увесть шуйца твоя, что творит десница твоя,
4 яко да будет милостыня твоя в тайне: и отец твой, видяй в тайне, той воздаст тебе яве.
5 И егда молишися, не буди якоже лицемери, яко любят в сонмищих и в стогнах путий стояще молитися, яко да явятся человеком. Аминь глаголю вам, яко восприемлют мзду свою.
6 Ты же, егда молишися, вниди в клеть твою, и затворив двери твоя, помолися отцу твоему, иже в тайне: и отец твой, видяй в тайне, воздаст тебе яве.
7 Молящеся же не лишше глаголите, якоже язычницы: мнят бо, яко во многоглаголании своем услышани будут:
8 не подобитеся убо им: весть бо отецъ ваш, ихже требуете, прежде прошения вашего.
9 Сице убо молитеся вы: отче наш, иже еси на небесех, да святится имя твое:
10 да приидет царствие твое: да будет воля твоя, яко на небеси, и на земли:
11 хлеб наш насущный даждь нам днесь:
12 и остави нам долги наша, яко и мы оставляемъ должником нашим:
13 и не введи нас в напасть, но избави насъ от лукаваго: яко твое есть царствие и сила и слава во веки. Аминь.
14 (Зачало 17) Аще бо отпущаете человеком согрешения их, отпустит и вам отец ваш небесный:
15 аще ли не отпущаете человеком согрешения их, ни отец ваш отпустит вам согрешений ваших.
16 егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою.
17 Ты же постяся помажи главу твою, и лице твое умый,
18 яко да не явишися человеком постяся, но отцу твоему, иже в тайне: и отец твой, видяй в тайне, воздаст тебе яве.
19 Не скрывайте себе сокровищ на земли, идеже червь и тля тлит, и идеже татие подкопываютъ и крадут:
20 скрывайте же себе сокровище на небеси, идеже ни червь, ни тля тлит, и идеже татие не подкопывают, ни крадут:
21 идеже бо есть сокровище ваше, ту будетъ и сердце ваше.
22 (Зачало 18) Светилник телу есть око. Аще убо будет око твое просто, все тело твое светло будет:
23 аще ли око твое лукаво будет, все тело твое темно будет. Аще убо свет, иже в тебе, тма есть, то тма кольми?
24 Никтоже может двема господинома работати: любо единаго возлюбит, а другаго возненавидит: или единаго держится, о друзем же нерадити начнет. Не можете богу работати и мамоне.
25 Сего ради глаголю вам: не пецытеся душею вашею, что ясте, или что пиете: ни телом вашим, во что облечетеся. Не душа ли болши есть пищи, и тело одежди?
26 Воззрите на птицы небесныя, яко не сеют, ни жнут, ни собирают в житницы, и отец вашъ небесный питает их. Не вы ли паче лучши ихъ есте?
27 Кто же от вас пекийся может приложити возрасту своему лакоть единъ?
28 И о одежди что печетеся? Смотрите кринъ селных, како растут: не труждаются, ни прядут:
29 глаголю же вам, яко ни соломон во всей славе своей облечеся, яко един от сих:
30 аще же сено селное, днесь суще и утре в пещь вметаемо, бог тако одевает, не много ли паче вас, маловери?
31 (Зачало 19) Не пецытеся убо, глаголюще: что ямы, или что пием, или чим одеждемся?
32 Всех бо сих языцы ищут: весть бо отецъ ваш небесный, яко требуете сих всех.
33 Ищите же прежде царствия божия и правды его, и сия вся приложатся вам.
34 Не пецытеся убо на утрей, утрений бо собою печется: довлеет дневи злоба [попечение] его.
1 Не судите, да не судими будете:
2 имже бо судом судите, судят вам: и въ нюже меру мерите, возмерится вам.
3 Что же видиши сучец, иже во оце брата твоего, бервна же, еже есть во оце твоем, не чуеши?
4 Или како речеши брату твоему: остави, да изму сучец из очесе твоего: и се, бервно во оце твоемъ?
5 Лицемере, изми первее бервно из очесе твоего, и тогда узриши изъяти сучец изъ очесе брата твоего.
6 Не дадите святая псом, ни пометайте бисеръ ваших пред свиниями, да не поперут их ногами своими и вращшеся расторгнут вы.
7 Просите, и дастся вам: ищите, и обрящете: толцыте, и отверзется вам:
8 всяк бо просяй приемлет, и ищяй обретает, и толкущему отверзется.
9 Или кто есть от вас человек, егоже аще воспросит сын его хлеба, еда камень подаст ему?
10 Или аще рыбы просит, еда змию подастъ ему?
11 Аще убо вы, лукави суще, умеете даяния блага даяти чадом вашим, кольми паче отец ваш небесный даст блага просящим у него.
12 (Зачало 21) Вся убо, елика аще хощете, да творят вам человецы, тако и вы творите им: се бо есть закон и пророцы.
13 Внидите узкими враты: яко пространная врата и широкий путь вводяй в пагубу, и мнози суть входящии им:
14 что узкая врата, и тесный путь вводяй в живот, и мало их есть, иже обретаютъ его.
15 (Зачало 22) Внемлите же от лживых пророк, иже приходят к вам во одеждах овчих, внутрь же суть волцы хищницы:
16 от плод их познаете их. еда объемлютъ от терния грозды, или от репия смоквы?
17 Тако всяко древо доброе плоды добры творит, а злое древо плоды злы творит:
18 не может древо добро плоды злы творити, ни древо зло плоды добры творити.
19 Всяко убо древо, еже не творит плода добра, посекают е и во огнь вметают.
20 Темже убо от плод их познаете их.
21 (Зачало 23) Не всяк глаголяй ми: господи, господи, внидет в царствие небесное: но творяй волю отца моего, иже есть на небесех.
22 Мнози рекут мне во он день: господи, господи, не в твое ли имя пророчествовахом, и твоимъ именем бесы изгонихом, и твоим именемъ силы многи сотворихомъ?
23 И тогда исповем им, яко николиже знахъ вас: отидите от мене, делающии беззаконие.
24 (Зачало 24) Всяк убо, иже слышит словеса моя сия и творит я, уподоблю его мужу мудру, иже созда храмину свою на камени:
25 и сниде дождь, и приидоша реки, и возвеяша ветри, и нападоша на храмину ту: и не падеся, основана бо бе на камени.
26 И всяк слышай словеса моя сия, и не творя их, уподобится мужу уродиву, иже созда храмину свою на песце:
27 и сниде дождь, и приидоша реки, и возвеяша ветри, и опрошася храмине той, и падеся: и бе разрушение ея велие.
28 И бысть егда сконча иисус словеса сия, дивляхуся народи о учении его:
29 бе бо учя их яко власть имея, и не яко книжницы (и фарисее).
1 Сшедшу же ему с горы, вслед его идяху народи мнози.
2 И се, прокажен пришед кланяшеся ему, глаголя: господи, аще хощеши, можеши мя очистити.
3 И простер руку иисус, коснуся ему, глаголя: хощу, очистися. И абие очистися ему проказа.
4 И глагола ему иисус: виждь, ни комуже повеждь: но шед покажися иереови и принеси дар, егоже повеле (в законе) моисей, во свидетелство им.
5 (Зачало 25) Вшедшу же ему в капернаум, приступи к нему сотник, моля его
6 и глаголя: господи, отрок мой лежит в дому разслаблен, люте стражда.
7 И глагола ему иисус: аз пришед исцелю его.
8 И отвещав сотник, рече (ему): господи, несмь достоин, да под кров мой внидеши: но токмо рцы слово, и исцелеет отрок мой:
9 ибо аз человек есмь под властию, имый под собою воины: и глаголю сему: иди, и идет: и другому: прииди, и приходит: и рабу моему: сотвори сие, и сотворит.
10 Слышав же иисус, удивися, и рече грядущимъ по нем: аминь глаголю вам: ни во израили толики веры обретох.
11 глаголю же вам, яко мнози от восток и западъ приидут и возлягут со авраамом и исаакомъ и иаковом во царствии небеснем:
12 сынове же царствия изгнани будут во тму кромешнюю: ту будет плачь и скрежет зубом.
13 И рече иисус сотнику: иди, и якоже веровалъ еси, буди тебе. И исцеле отрок его в той час.
14 (Зачало 26) И пришед иисус в дом петров, виде тещу его лежащу и огнем жегому,
15 и прикоснуся руце ея, и остави ю огнь: и воста и служаше ему.
16 Позде же бывшу, приведоша к нему бесны многи: и изгна духи словом и вся болящия исцели:
17 да сбудется реченное исаием пророком, глаголющим: той недуги наша прият и болезни понесе.
18 Видев же иисус многи народы окрест себе, повеле (ученикомъ) ити на он пол.
19 И приступль един книжник, рече ему: учителю, иду по тебе, аможе аще идеши.
20 глагола ему иисус: лиси язвины имут, и птицы небесныя гнезда: сын же человеческий не имать где главы подклонити.
21 Другий же от ученик его рече ему: господи, повели ми прежде ити и погребсти отца моего.
22 иисус же рече ему: гряди по мне и остави мертвых погребсти своя мертвецы.
23 (Зачало 27) И влезшу ему в корабль, по нем идоша ученицы его.
24 И се, трус велик бысть в мори, якоже кораблю покрыватися волнами: той же спаше.
25 И пришедше ученицы его возбудиша его, глаголюще: господи, спаси ны, погибаем.
26 И глагола им: что страшливи есте, маловери? Тогда востав запрети ветром и морю, и бысть тишина велия.
27 Человецы же чудишася, глаголюще: кто есть сей, яко и ветри и море послушают его?
28 (Зачало 28) И пришедшу ему на он пол, в страну гергесинскую, сретоста его два бесна от гроб исходяща, люта зело, яко не мощи никому минути путем тем.
29 И се, возописта глаголюща: что нама и тебе, иисусе сыне божий? пришел еси семо прежде времене мучити нас.
30 Бяше же далече от нею стадо свиний много пасомо.
31 Беси же моляху его, глаголюще: аще изгониши ны, повели нам ити в стадо свиное.
32 И рече им: идите. они же изшедше идоша в стадо свиное: и се, (абие) устремися стадо все по брегу в море, и утопоша въ водах.
33 Пасущии же бежаша, и шедше во град, возвестиша вся, и о бесною.
34 И се, весь град изыде в сретение иисусови: и видевше его, молиша, яко дабы прешелъ от предел их.
1 И влез в корабль, прейде и прииде во свой град.
2 И се, принесоша ему разслаблена (жилами), на одре лежаща: и видев иисус веру их, рече разслабленному: дерзай, чадо, отпущаются ти греси твои.
3 И се, нецыи от книжник реша в себе: сей хулит.
4 И видев иисус помышления их, рече: вскую вы мыслите лукавая в сердцах своихъ?
5 что бо есть удобее рещи: отпущаются ти греси: или рещи: востани и ходи?
6 но да увесте, яко власть имать сынъ человеческий на земли отпущати грехи: тогда глагола разслабленному: востани, возми твой одръ и иди в дом твой.
7 И востав, (взем одр свой,) иде в домъ свой.
8 Видевше же народи чудишася и прославиша бога, давшаго власть таковую человеком.
9 (Зачало 30) И преходя иисус оттуду, виде человека седяща на мытнице, матфеа глаголема: и глагола ему: по мне гряди. И востав по нем иде.
10 И бысть ему возлежащу в дому, и се, мнози мытари и грешницы пришедше возлежаху со иисусом и со ученики его.
11 И видевше фарисее, глаголаху ученикомъ его: почто с мытари и грешники учитель ваш яст и пиетъ?
12 иисус же слышав рече им: не требуют здравии врача, но болящии:
13 шедше же научитеся, что есть: милости хощу, а не жертвы? не приидох бо призвати праведники, но грешники на покаяние.
14 (Зачало 31) Тогда приступиша к нему ученицы иоанновы, глаголюще: почто мы и фарисее постимся много, ученицы же твои не постятся?
15 И рече им иисус: еда могут сынове брачнии плакати, елико время с ними есть женихъ? Приидут же дние, егда отимется от них жених, и тогда постятся.
16 Никтоже бо приставляет приставления плата небелена ризе ветсе: возмет бо кончину свою от ризы [отторгнет бо приставление его от ризы (нечто)], и горша дира будет.
17 Ниже вливают вина нова в мехи ветхи: аще ли же ни, то просадятся меси, и вино пролиется, и меси погибнут: но вливают вино ново в мехи новы, и обое соблюдется.
18 (Зачало 32) Сия ему глаголющу к ним, се, князь некий пришед кланяшеся ему, глаголя, яко дщи моя ныне умре: но пришед возложи на ню руку твою, и оживет.
19 И востав иисус по нем иде, и ученицы его.
20 И се, жена кровоточива дванадесяте лет, приступльши созади, прикоснуся воскрилию ризы его,
21 глаголаше бо в себе: аще токмо прикоснуся ризе его, спасена буду.
22 иисус же обращься и видев ю, рече: дерзай, дщи, вера твоя спасе тя. И спасена бысть жена от часа того.
23 И пришед иисус в дом княжь, и видевъ сопцы и народ молвящь,
24 глагола им: отидите, не умре бо девица, но спит. И ругахуся ему.
25 егда же изгнан бысть народ, вшед ятъ ю за руку: и воста девица.
26 И изыде весть сия по всей земли той.
27 (Зачало 33) И преходящу оттуду иисусови, по нем идоста два слепца, зовуща и глаголюща: помилуй ны, (иисусе) сыне давидов.
28 Пришедшу же ему в дом, приступиста къ нему слепца, и глагола има иисус: веруета ли, яко могу сие сотворити? Глаголаста ему: ей, господи.
29 Тогда прикоснуся очию их, глаголя: по вере ваю буди вама.
30 И отверзостася очи има: и запрети има иисус, глаголя: блюдита, да никтоже увесть.
31 она же изшедша прослависта его по всей земли той.
32 Тема же исходящема, се, приведоша к нему человека нема беснуема.
33 И изгнану бесу, проглагола немый. И дивишася народи, глаголюще, яко николиже явися тако во израили.
34 Фарисее же глаголаху: о князи бесовстемъ изгонит бесы.
35 И прохождаше иисус грады вся и веси, учя на сонмищих их, и проповедая евангелие царствия, и целя всяк недуг и всяку язю в людех.
36 (Зачало 34) Видев же народы, милосердова о них, яко бяху смятени и отвержени, яко овцы не имущия пастыря.
37 Тогда глагола учеником своим: жатва убо многа, делателей же мало:
38 молитеся убо господину жатвы, яко да изведетъ делатели на жатву свою.
1 И призва обанадесять ученики своя, даде им власть на дусех нечистых, яко да изгонятъ их, и целити всяк недуг и всяку болезнь.
2 Дванадесятих же апостолов имена суть сия: первый симон, иже нарицается петр, и андрей брат его: иаков зеведеев и иоанн братъ его:
3 филипп и варфоломей: фома и матфей мытарь: иаков алфеев и леввей, нареченный фаддей:
4 симон кананит и иуда искариотский, иже и предаде его.
5 Сия обанадесять посла иисус, заповеда им, глаголя: на путь язык не идите и во град самарянский не внидите:
6 идите же паче ко овцам погибшим дому израилева:
7 ходяще же проповедуйте, глаголюще, яко приближися царствие небесное:
8 болящия исцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите.
9 (Зачало 35) Не стяжите злата, ни сребра, ни меди при поясех ваших,
10 ни пиры в путь, ни двою ризу, ни сапог, ни жезла: достоин бо есть делатель мзды своея.
11 В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете:
12 входяще же в дом целуйте его, глаголюще: мир дому сему:
13 и аще убо будет дом достоин, приидетъ мир ваш нань: аще ли же не будет достоин, мир ваш к вам возвратится.
14 И иже аще не приимет вас, ниже послушаетъ словес ваших, исходяще из дому или изъ града того, оттрясите прах ног ваших:
15 аминь глаголю вам: отраднее будет земли содомстей и гоморрстей в день судный, неже граду тому.
16 (Зачало 36) Се, аз посылаю вас яко овцы посреде волков: будите убо мудри яко змия, и цели яко голубие.
17 Внемлите же от человек: предадят бо вы на сонмы, и на соборищих их биют вас,
18 и пред владыки же и цари ведени будете мене ради, во свидетелство им и языком.
19 егда же предают вы, не пецытеся, како или что возглаголете: дастбося вам в той час, что возглаголете:
20 не вы бо будете глаголющии, но дух отца вашего глаголяй в вас.
21 Предаст же брат брата на смерть, и отецъ чадо: и востанут чада на родители и убиютъ их:
22 и будете ненавидими всеми имене моего ради: претерпевый же до конца, той спасен будет.
23 (Зачало 37) егда же гонят вы во граде сем, бегайте в другий. Аминь бо глаголю вам: не имате скончати грады израилевы, дондеже приидет сынъ человеческий.
24 Несть ученик над учителя (своего), ниже раб над господина своего:
25 довлеет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его?
26 Не убойтеся убо их: ничтоже бо есть покровено, еже не открыется, и тайно, еже не уведено будет.
27 еже глаголю вам во тме, рцыте во свете: и еже во уши слышите, проповедите на кровех.
28 И не убойтеся от убивающих тело, души же не могущих убити: убойтеся же паче могущаго и душу и тело погубити в геенне.
29 Не две ли птице ценитеся единому ассарию? и ни едина от них падет на земли без отца вашего:
30 вам же и власи главнии вси изочтени суть:
31 не убойтеся убо: мнозех птиц лучши есте вы.
32 (Зачало 38) Всяк убо иже исповесть мя пред человеки, исповем его и аз предъ отцем моим, иже на небесех:
33 а иже отвержется мене пред человеки, отвергуся его и аз пред отцем моим, иже на небесех.
34 Не мните, яко приидох воврещи мир на землю: не приидох воврещи мир, но мечь:
35 приидох бо разлучити человека на отца своего, и дщерь на матерь свою, и невесту на свекровь свою.
36 И врази человеку домашнии его.
37 (Зачало 39) Иже любит отца или матерь паче мене, несть мене достоин: и иже любит сына или дщерь паче мене, несть мене достоин:
38 и иже не приимет креста своего и вследъ мене грядет, несть мене достоин.
39 обретый душу свою погубит ю: а иже погубит душу свою мене ради, обрящет ю.
40 Иже вас приемлет, мене приемлет: и иже приемлет мене, приемлет пославшаго мя:
41 приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет:
42 и иже аще напоит единаго от малыхъ сих чашею студены воды токмо, во имя ученика, аминь глаголю вам, не погубит мзды своея.
1 И бысть, егда соверши иисус заповедая обеманадесяте ученикома своима, прейде оттуду учити и проповедати во градех их.
2 (Зачало 40) иоанн же слышав во узилищи дела христова, посла два от ученик своих,
3 рече ему: ты ли еси грядый, или иного чаемъ?
4 И отвещав иисус рече има: шедша возвестита иоаннови, яже слышита и видита:
5 слепии прозирают и хромии ходят, прокаженнии очищаются и глусии слышат, мертвии востаютъ и нищии благовествуют:
6 и блажен есть, иже аще не соблазнится о мне.
7 Тема же исходящема, начат иисус народомъ глаголати о иоанне: чесо изыдосте в пустыню видети? трость ли ветром колеблему?
8 Но чесо изыдосте видети? человека ли в мягки ризы облеченна? Се, иже мягкая носящии, въ домех царских суть.
9 Но чесо изыдосте видети? пророка ли? ей, глаголю вам, и лишше пророка.
10 Сей бо есть, о немже есть писано: се, аз посылаю ангела моего пред лицем твоим, иже уготовит путь твой пред тобою.
11 Аминь глаголю вам, не воста в рожденных женами болий иоанна крестителя: мний же во царствии небеснемъ болий его есть.
12 от дний же иоанна крестителя доселе царствие небесное нудится [с нуждею восприемлется], и нуждницы восхищают е:
13 вси бо пророцы и закон до иоанна прорекоша.
14 И аще хощете прияти, той есть илиа хотяй приити:
15 имеяй уши слышати да слышит.
16 (Зачало 41) Кому же уподоблю род сей? Подобенъ есть детем седящим на торжищих, и возглашающимъ другом своимъ
17 и глаголющим: пискахом вам, и не плясасте: плакахом вам, и не рыдасте.
18 Прииде бо иоанн ни ядый, ни пияй: и глаголют: беса имать.
19 Прииде сын человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих.
20 (Зачало 42) Тогда начат иисус поношати градовом, в нихже быша множайшия силы его, зане не покаяшася:
21 горе тебе, хоразине, горе тебе, вифсаидо: яко аще в тире и сидоне быша силы были бывшия в вас, древле убо во вретищи и пепеле покаялися быша:
22 обаче глаголю вам тиру и сидону отраднее будет в день судный, неже вам.
23 И ты, капернауме, иже до небес вознесыйся, до ада снидеши: зане аще в содомех быша силы были бывшия в тебе, пребыли убо быша до днешняго дне:
24 обаче глаголю вам, яко земли содомстей отраднее будет в день судный, неже тебе.
25 В то время отвещав иисус рече: исповедаютися, отче, господи небесе и земли, яко утаилъ еси сия от премудрых и разумных и открылъ еси та младенцем:
26 ей, отче, яко тако бысть благоволение пред тобою.
27 (Зачало 43) Вся мне предана суть отцемъ моим: и никтоже знает сына, токмо отец: ни отца кто знает, токмо сын, и емуже аще волит сын открыти.
28 Приидите ко мне вси труждающиися и обремененнии, и аз упокою вы:
29 возмите иго мое на себе и научитеся от мене, яко кроток есмь и смирен сердцем: и обрящете покой душам вашим:
30 иго бо мое благо, и бремя мое легко есть.
1 В то время иде иисус в субботы сквозе сеяния: ученицы же его взалкаша и начаша востерзати класы и ясти.
2 Фарисее же видевше реша ему: се, ученицы твои творят, егоже не достоит творити въ субботу.
3 он же рече им: несте ли чли, что сотвори давид, егда взалка сам и сущии с нимъ?
4 како вниде в храм божий и хлебы предложения снеде, ихже не достойно бе ему ясти, ни сущим с ним, токмо иереем единымъ?
5 или несте чли в законе, яко в субботы священницы в церкви субботы сквернят и неповинни суть?
6 глаголю же вам, яко церкве боле есть зде:
7 аще ли бысте ведали, что есть: милости хощу, а не жертвы, николиже убо бысте осуждали неповинных:
8 господь бо есть и субботы сын человеческий.
9 (Зачало 45) И прешед оттуду, прииде на сонмище их.
10 И се, человек бе ту, руку имый суху. И вопросиша его, глаголюще: аще достоитъ в субботы целити? да на него возглаголют.
11 он же рече им: кто есть от васъ человек, иже имать овча едино, и аще впадет сие в субботы в яму, не имет ли е и изметъ?
12 кольми убо лучши есть человек овчате? темже достоит в субботы добро творити.
13 Тогда глагола человеку: простри руку твою. И простре: и утвердися цела яко другая.
14 (Зачало 46) Фарисее же шедше совет сотвориша на него, како его погубят. иисус же разумевъ отиде оттуду.
15 И по нем идоша народи мнози, и исцели их всех:
16 и запрети им, да не яве его творят:
17 яко да сбудется реченное исаием пророком, глаголющим:
18 се, отрок мой, егоже изволих, возлюбленный мой, наньже благоволи душа моя: положу дух мой на нем, и суд языком возвестит:
19 не преречет, ни возопиет, ниже услышитъ кто на распутиих гласа его:
20 трости сокрушенны не преломит и лена внемшася не угасит, дондеже изведет в победу суд:
21 и на имя его языцы уповати имут.
22 Тогда приведоша к нему беснующася слепа и нема: и исцели его, яко слепому и немому глаголати и глядати.
23 И дивляхуся вси народи глаголюще: еда сей есть (христосъ) сын давидовъ?
24 Фарисее же слышавше реша: сей не изгонитъ бесы, токмо о веельзевуле князи бесовстем.
25 Ведый же иисус мысли их, рече им: всякое царство раздельшееся на ся запустеет, и всякъ град или дом разделивыйся на ся не станет.
26 И аще сатана сатану изгонит, на ся разделился есть: како убо станет царство его?
27 И аще аз о веельзевуле изгоню бесы, сынове ваши о ком изгонятъ? сего ради тии вам будут судии.
28 Аще ли же аз о дусе божии изгоню бесы, убо постиже на вас царствие божие.
29 Или како может кто внити в дом крепкаго и сосуды его расхитити, аще не первее свяжетъ крепкаго, и тогда дом его расхититъ?
30 (Зачало 47) Иже несть со мною, на мя есть: и иже не собирает со мною, расточает.
31 Сего ради глаголю вам: всяк грех и хула отпустится человеком: а яже на духа хула не отпустится человеком:
32 и иже аще речет слово на сына человеческаго, отпустится ему: а иже речет на духа святаго, не отпустится ему ни в сей век, ни в будущий.
33 Или сотворите древо добро и плод его добр: или сотворите древо зло и плод его зол: от плода бо древо познано будет.
34 Порождения ехиднова, како можете добро глаголати, зли суще? от избытка бо сердца уста глаголют.
35 благий человек от благаго сокровища износитъ благая: и лукавый человек от лукаваго сокровища износит лукавая.
36 глаголю же вам, яко всяко слово праздное, еже аще рекут человецы, воздадят о немъ слово в день судный:
37 от словес бо своих оправдишися и от словесъ своих осудишися.
38 (Зачало 48) Тогда отвещаша нецыи от книжникъ и фарисей, глаголюще: учителю, хощем от тебе знамение видети.
39 он же отвещав рече им: род лукавъ и прелюбодей знамения ищет, и знамение не дастся ему, токмо знамение ионы пророка:
40 якоже бо бе иона во чреве китове три дни и три нощи, тако будет и сын человеческий в сердцы земли три дни и три нощи.
41 Мужие ниневитстии востанут на суд с родомъ сим и осудят его, яко покаяшася проповедию иониною: и се, боле ионы зде.
42 Царица южская востанет на суд с родомъ сим и осудит и, яко прииде от конецъ земли слышати премудрость соломонову: и се, боле соломона зде.
43 егда же нечистый дух изыдет от человека, преходит сквозе безводная места, ищя покоя, и не обретает:
44 тогда речет: возвращуся в дом мой, отнюдуже изыдох. И пришед обрящет празден, пометенъ и украшен:
45 тогда идет и поймет с собою седмь иныхъ духов лютейших себе, и вшедше живут ту: и будут последняя человеку тому горша первых. Тако будет и роду сему лукавому.
46 (Зачало 49) еще же ему глаголющу к народом, се, мати (его) и братия его стояху вне, ищуще глаголати ему.
47 Рече же некий ему: се, мати твоя и братия твоя вне стоят, хотяще глаголати тебе.
48 он же отвещав рече ко глаголющему ему: кто есть мати моя, и кто суть братия моя?
49 И простер руку свою на ученики своя, рече: се, мати моя и братия моя:
50 иже бо аще сотворит волю отца моего, иже есть на небесех, той брат мой, и сестра, и мати (ми) есть.
1 В день же той изшед иисус из дому, седяше при мори.
2 И собрашася к нему народи мнози, якоже ему в корабль влезти и сести: и весь народъ на брезе стояше.
3 И глагола им притчами много, глаголя: (Зачало 50) се, изыде сеяй, да сеет:
4 и сеющу ему, ова падоша при пути, и приидоша птицы и позобаша я:
5 другая же падоша на каменных, идеже не имеяху земли многи, и абие прозябоша, зане не имеяху глубины земли:
6 солнцу же возсиявшу присвянуша, и зане не имеяху корения, изсхоша:
7 другая же падоша в тернии, и взыде терние и подави их:
8 другая же падоша на земли добрей и даяху плод, ово убо сто, ово же шестьдесят, ово же тридесять:
9 имеяй уши слышати да слышит.
10 (Зачало 51) И приступивше ученицы (его) рекоша ему: почто притчами глаголеши имъ?
11 он же отвещав рече им: яко вамъ дано есть разумети тайны царствия небеснаго, онем же не дано есть:
12 иже бо имать, дастся ему и преизбудетъ (ему): а иже не имать, и еже имать, возмется от него:
13 сего ради в притчах глаголю им, яко видяще не видят, и слышаще не слышат, ни разумеют:
14 и сбывается в них пророчество исаиино, глаголющее: слухом услышите, и не имате разумети: и зряще узрите, и не имате видети:
15 отолсте бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумеют, и обратятся, и исцелю их.
16 Ваша же блаженна очеса, яко видят, и уши ваши, яко слышат:
17 аминь бо глаголю вам, яко мнози пророцы и праведницы вожделеша видети, яже видите, и не видеша, и слышати, яже слышите, и не слышаша.
18 Вы же услышите притчу сеющаго:
19 всякому слышащему слово царствия и не разумевающу, приходит лукавый и восхищает всеянное в сердцы его: сие есть, еже при пути сеянное.
20 А на камени сеянное, сие есть слышай слово и абие с радостию приемлет е:
21 не имать же корене в себе, но привремененъ есть: бывши же печали или гонению словесе ради, абие соблажняется.
22 А сеянное в тернии, се есть слышай слово, и печаль века сего и лесть богатства подавляетъ слово, и без плода бывает.
23 А сеянное на добрей земли, се есть слышай слово и разумевая: иже убо плод приноситъ и творит ово сто, ово же шестьдесят, ово тридесять.
24 (Зачало 52) Ину притчу предложи им, глаголя: уподобися царствие небесное человеку, сеявшу доброе семя на селе своем:
25 спящим же человеком, прииде враг его и всея плевелы посреде пшеницы и отиде:
26 егда же прозябе трава и плод сотвори, тогда явишася и плевелие.
27 Пришедше же раби господина, реша ему: господи, не доброе ли семя сеял еси на селе твоемъ? откуду убо имать плевелы?
28 он же рече им: враг человек сие сотвори. Раби же реша ему: хощеши ли убо, да шедше исплевем я?
29 он же рече (имъ): ни: да не когда восторгающе плевелы, восторгнете купно с ними (и) пшеницу:
30 оставите расти обое купно до жатвы: и во время жатвы реку жателем: соберите первее плевелы и свяжите их в снопы, яко сожещи я: а пшеницу соберите в житницу мою.
31 (Зачало 53) Ину притчу предложи им, глаголя: подобно есть царствие небесное зерну горушичну, еже взем человек всея на селе своем,
32 еже малейше убо есть от всехъ семен: егда же возрастет, более (всехъ) зелий есть и бывает древо, яко приити птицам небесным и витати на ветвех его.
33 Ину притчу глагола им: подобно есть царствие небесное квасу, егоже вземши жена скры в сатехъ триех муки, дондеже вскисоша вся.
34 Сия вся глагола иисус в притчах народом, и без притчи ничесоже глаголаше к ним:
35 яко да сбудется реченное пророком, глаголющим: отверзу в притчах уста моя: отрыгну сокровенная от сложения мира.
36 Тогда оставль народы, прииде в дом иисус. (Зачало 54) И приступиша к нему ученицы его, глаголюще: скажи нам притчу плевел селных.
37 он же отвещав рече им: сеявый доброе семя есть сын человеческий:
38 а село есть мир: доброе же семя, сии суть сынове царствия, а плевелие суть сынове неприязненнии:
39 а враг всеявый их есть диавол: а жатва кончина века есть: а жатели ангели суть.
40 якоже убо собирают плевелы и огнемъ сожигают, тако будет в скончание века сего:
41 послет сын человеческий ангелы своя, и соберут от царствия его вся соблазны и творящихъ беззаконие
42 и ввергут их в пещь огненну: ту будетъ плачь и скрежет зубом:
43 тогда праведницы просветятся яко солнце въ царствии отца их. Имеяй уши слышати да слышит.
44 (Зачало 55) Паки подобно есть царствие небесное сокровищу сокровену на селе, еже обретъ человек скры, и от радости его идет, и вся, елика имать, продает, и купуетъ село то.
45 Паки подобно есть царствие небесное человеку купцу, ищущу добрых бисерей,
46 иже обрет един многоценен бисер, шед продаде вся, елика имяше, и купи его.
47 Паки подобно есть царствие небесное неводу ввержену в море и от всякаго рода собравшу,
48 иже егда исполнися, извлекоша и на край, и седше избраша добрыя в сосуды, а злыя извергоша вон.
49 Тако будет в скончание века: изыдут ангели, и отлучат злыя от среды праведных,
50 и ввергут их в пещь огненную: ту будетъ плачь и скрежет зубом.
51 глагола им иисус: разуместе ли сия вся? Глаголаша ему: ей, господи.
52 он же рече им: сего ради всяк книжник, научився царствию небесному, подобен есть человеку домовиту, иже износит от сокровища своего новая и ветхая.
53 (Зачало 56) И бысть, егда сконча иисус притчи сия, прейде оттуду.
54 И пришед во отечествие свое, учаше их на сонмищи их, яко дивитися им и глаголати: откуду сему премудрость сия и силы?
55 не сей ли есть тектонов сынъ? не мати ли его нарицается мариам, и братия его иаковъ и иосий, и симон и иуда?
56 и сестры его не вся ли в нас суть? откуду убо сему сия вся?
57 И блажняхуся о нем. иисус же рече им: несть пророк без чести, токмо во отечествии своем и в дому своем.
58 И не сотвори ту сил многих за неверство их.
1 В то время услыша ирод четвертовластникъ слух иисусовъ
2 и рече отроком своим: сей есть иоаннъ креститель: той воскресе от мертвых, и сего ради силы деются о нем.
3 Ирод бо емь иоанна, связа его и всади в темницу, иродиады ради жены филиппа брата своего:
4 глаголаше бо ему иоанн: не достоит ти имети ея.
5 И хотящь его убити, убояся народа, зане яко пророка его имеяху.
6 Дню же бывшу рождества иродова, пляса дщи иродиадина посреде и угоди иродови:
7 темже и с клятвою изрече ей дати, егоже аще воспросит.
8 она же наваждена материю своею, даждь ми, рече, зде на блюде главу иоанна крестителя.
9 И печален бысть царь: клятвы же ради и за возлежащих с ним, повеле дати (ей)
10 и послав усекну иоанна в темнице.
11 И принесоша главу его на блюде и даша девице: и отнесе матери своей.
12 И приступльше ученицы его взяша тело (его) и погребоша е: и пришедше возвестиша иисусови.
13 И слышав иисус отиде оттуду в корабли в пусто место един [особь]: и слышавше народи по нем идоша пеши от градов.
14 (Зачало 58) И изшед иисус виде мног народ, и милосердова о них, и исцели недужныя их.
15 Позде же бывшу, приступиша к нему ученицы его, глаголюще: пусто есть место, и часъ уже мину: отпусти народы, да шедше в веси купят брашна себе.
16 иисус же рече им: не требуют отити: дадите им вы ясти.
17 они же глаголаша ему: не имамы зде токмо пять хлеб и две рыбе.
18 он же рече: принесите ми их семо.
19 И повелев народом возлещи на траве, и прием пять хлеб и обе рыбе, воззревъ на небо, благослови и преломив даде ученикомъ хлебы, ученицы же народом.
20 И ядоша вси и насытишася: и взяша избытки укрух, дванадесять коша исполнь:
21 ядущих же бе мужей яко пять тысящ, разве жен и детей.
22 (Зачало 59) И абие понуди иисус ученики своя влезти в корабль и варити его на ономъ полу [предыти ему на он полъ], дондеже отпустит народы.
23 И отпустив народы, взыде на гору единъ помолитися: позде же бывшу, един бе ту.
24 Корабль же бе посреде моря влаяся волнами: бе бо противен ветр.
25 В четвертую же стражу нощи иде к ним иисус, ходя по морю.
26 И видевше его ученицы по морю ходяща, смутишася, глаголюще, яко призрак есть: и от страха возопиша.
27 Абие же рече им иисус, глаголя: дерзайте: аз есмь, не бойтеся.
28 отвещав же петр рече: господи, аще ты еси, повели ми приити к тебе по водам. он же рече: прииди.
29 И излез из корабля петр, хождаше по водам, приити ко иисусови:
30 видя же ветр крепок, убояся, и наченъ утопати, возопи, глаголя: господи, спаси мя.
31 И абие иисус простер руку, ят его и глагола ему: маловере, почто усумнелся еси?
32 И влезшема има в корабль, преста ветр.
33 Сущии же в корабли пришедше поклонишася ему, глаголюще: воистинну божий сын еси.
34 И прешедше приидоша в землю геннисарефскую.
35 (Зачало 60) И познавше его мужие места того, послаша во всю страну ту, и принесоша к нему вся болящия:
36 и моляху его, да токмо прикоснутся вскрилию ризы его: и елицы прикоснушася, спасени быша.
1 Тогда приступиша ко иисусови иже от иерусалима книжницы и фарисее, глаголюще:
2 почто ученицы твои преступают предание старецъ? не умывают бо рук своих, егда хлеб ядят.
3 он же отвещав рече им: почто и вы преступаете заповедь божию за предание ваше?
4 бог бо заповеда, глаголя: чти отца и матерь: и: иже злословит отца или матерь, смертию да умрет.
5 Вы же глаголете: иже аще речет отцу или матери: дар, имже бы от мене пользовался еси:
6 и да не почтит отца своего или матере [матере своея]: и разористе заповедь божию за предание ваше.
7 Лицемери, добре пророчествова о вас исаиа, глаголя:
8 приближаются мне людие сии усты своими и устнами чтут мя: сердце же их далече отстоит от мене:
9 всуе же чтут мя, учаще учением, заповедем человеческим.
10 И призвав народы, рече им: слышите и разумейте:
11 не входящее во уста сквернит человека: но исходящее изо уст, то сквернит человека.
12 (Зачало 61) Тогда приступльше ученицы его реша ему: веси ли, яко фарисее слышавше слово соблазнишася?
13 он же отвещав рече: всяк сад, егоже не насади отец мой небесный, искоренится:
14 оставите их: вожди суть слепи слепцем: слепец же слепца аще водит, оба в яму впадетася.
15 отвещав же петр рече ему: скажи намъ притчу сию.
16 иисус же рече (имъ): единаче [еще] ли и вы без разума есте?
17 не у ли разумеваете, яко всяко, еже входит во уста, во чрево вмещается и афедрономъ исходитъ?
18 исходящая же изо уст, от сердца исходят, и та сквернят человека:
19 от сердца бо исходят помышления злая, убийства, прелюбодеяния, любодеяния, татьбы, лжесвидетелства, хулы:
20 сия суть сквернящая человека: а еже неумовенныма рукама ясти, не сквернит человека.
21 (Зачало 62) И изшед оттуду иисус, отиде во страны тврския и сидонския.
22 И се, жена хананейска, от предел техъ изшедши, возопи к нему глаголющи: помилуй мя, господи, сыне давидов, дщи моя зле беснуется.
23 он же не отвеща ей словесе. И приступльше ученицы его, моляху его, глаголюще: отпусти ю, яко вопиет вслед нас.
24 он же отвещав рече: несмь послан, токмо ко овцам погибшим дому израилева.
25 она же пришедши поклонися ему, глаголющи: господи, помози ми.
26 он же отвещав рече: несть добро отяти хлеба чадом и поврещи псом.
27 она же рече: ей, господи: ибо и пси ядят от крупиц падающих от трапезы господей своих.
28 Тогда отвещав иисус рече ей: о, жено, велия вера твоя: буди тебе якоже хощеши. И исцеле дщи ея от того часа.
29 (Зачало 63) И прешед оттуду иисус, прииде на море галилейское, и возшед на гору, седе ту.
30 И приступиша к нему народи мнози, имуще с собою хромыя, слепыя, немыя, бедныя и ины многи, и привергоша их к ногама иисусовыма: и исцели их:
31 якоже народом дивитися, видящим немыя глаголюща, бедныя здравы, хромыя ходящя и слепыя видящя: и славляху бога израилева.
32 (Зачало 64) иисус же призвав ученики своя, рече (имъ): милосердую о народе (семъ), яко уже дни три приседят мне и не имутъ чесо ясти: и отпустити их не ядших не хощу, да не како ослабеют на пути.
33 И глаголаша ему ученицы его: откуду нам в пустыни хлеби толицы, яко да насытится толик народъ?
34 И глагола им иисус: колико хлебы имате? они же реша: седмь, и мало рыбиц.
35 И повеле народом возлещи на земли,
36 и приемь седмь хлебы и рыбы, хвалу воздавъ преломи и даде учеником своим, ученицы же народом.
37 И ядоша вси и насытишася: и взяша избытки укрух, седмь кошниц исполнь:
38 ядших же бяше четыре тысящи мужей, разве жен и детей.
39 И отпустив народы, влезе в корабль и прииде в пределы магдалински.
1 И приступиша (к нему) фарисее и саддукее, искушающе просиша его знамение с небесе показати им.
2 он же отвещав рече им: вечеру бывшу, глаголете: ведро, чермнуетбося небо:
3 и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете (искусити).
4 Род лукав и прелюбодейный знамения ищет: и знамение не дастся ему, токмо знамение ионы пророка. И оставль их, отиде.
5 И прешедше ученицы его на он пол, забыша хлебы взяти.
6 (Зачало 66) иисус же рече им: внемлите и блюдитеся от кваса фарисейска и саддукейска.
7 они же помышляху в себе, глаголюще: яко хлебы не взяхом.
8 Разумев же иисус рече им: что мыслите в себе, маловери, яко хлебы не взясте?
9 не у ли разумеете, ниже помните пять хлебы пятим тысящам, и колико кош взясте?
10 ни ли седмь хлебы четырем тысящам, и колико кошниц взясте?
11 како не разумеете, яко не о хлебех рехъ вам внимати, (но) от кваса фарисейска и саддукейска?
12 Тогда разумеша, яко не рече хранитися от кваса хлебнаго, но от учения фарисейска и саддукейска.
13 (Зачало 67) Пришед же иисус во страны кесарии филипповы, вопрошаше ученики своя, глаголя: кого мя глаголют человецы быти, сына человеческаго?
14 они же реша: ови убо иоанна крестителя, инии же илию, друзии же иеремию или единаго от пророк.
15 глагола им (иисусъ): вы же кого мя глаголете быти?
16 отвещав же симон петр рече: ты еси христос, сын бога живаго.
17 И отвещав иисус рече ему: блажен еси, симоне, вар иона, яко плоть и кровь не яви тебе, но отец мой, иже на небесех:
18 и аз же тебе глаголю, яко ты еси петр, и на сем камени созижду церковь мою, и врата адова не одолеют ей:
19 и дам ти ключи царства небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех.
20 (Зачало 68) Тогда запрети иисус ученикомъ своим, да ни комуже рекут, яко сей есть иисус христос.
21 оттоле начат иисус сказовати ученикомъ своим, яко подобает ему ити во иерусалимъ и много пострадати от старец и архиерей и книжник, и убиену быти, и в третий день востати.
22 И поемь его петр, начат пререцати ему глаголя: милосерд ты, господи: не имать быти тебе сие.
23 он же обращься рече петрови: иди за мною, сатано, соблазн ми еси: яко не мыслиши яже (суть) божия, но человеческая.
24 (Зачало 69) Тогда иисус рече учеником своим: аще кто хощет по мне ити, да отвержется себе и возмет крест свой и по мне грядет:
25 иже бо аще хощет душу свою спасти, погубитъ ю: и иже аще погубит душу свою мене ради, обрящет ю:
26 кая бо польза человеку, аще мир весь приобрящет, душу же свою отщетитъ? или что даст человекъ измену за душу свою?
27 приити бо имать сын человеческий во славе отца своего со ангелы своими, и тогда воздастъ комуждо по деянием его:
28 аминь глаголю вам, (яко) суть нецыи от зде стоящих, иже не имут вкусити смерти, дондеже видят сына человеческаго грядуща во царствии своем.
1 И по днех шестих поят иисус петра и иакова и иоанна брата его, и возведе их на гору высоку едины,
2 и преобразися пред ними: и просветися лице его яко солнце, ризы же его быша белы яко свет.
3 И се, явистася им моисей и илиа, съ ним глаголюща.
4 отвещав же петр рече (ко) иисусови: господи, добро есть нам зде быти: аще хощеши, сотворимъ зде три сени, тебе едину, и моисеови едину, и едину илии.
5 еще (же) ему глаголющу, се, облак светелъ осени их: и се, глас из облака глаголя: сей есть сын мой возлюбленный, о немже благоволих: того послушайте.
6 И слышавше ученицы падоша ницы и убояшася зело.
7 И приступль иисус прикоснуся их и рече: востаните и не бойтеся.
8 Возведше же очи свои, ни когоже видеша, токмо иисуса единаго.
9 И сходящим им с горы, заповеда им иисус, глаголя: ни комуже поведите видения, дондеже сынъ человеческий из мертвых воскреснет.
10 (Зачало 71) И вопросиша его ученицы его, глаголюще: что убо книжницы глаголют, яко илии подобает приити прежде?
11 иисус же отвещав рече им: илиа убо приидет прежде и устроит вся:
12 глаголю же вам, яко илиа уже прииде, и не познаша его, но сотвориша о нем, елика восхотеша: тако и сын человеческий имать пострадати от них.
13 Тогда разумеша ученицы, яко о иоанне крестители рече им.
14 (Зачало 72) И пришедшим им к народу, приступи к нему человек, кланяяся ему
15 и глаголя: господи, помилуй сына моего, яко на новы месяцы беснуется и зле страждет: множицею бо падает во огнь и множицею в воду:
16 и приведох его ко учеником твоим, и не возмогоша его исцелити.
17 отвещав же иисус рече: о, роде неверный и развращенный, доколе буду с вами? доколе терплю вамъ? приведите ми его семо.
18 И запрети ему иисус, и изыде из него бес: и исцеле отрок от часа того.
19 Тогда приступльше ученицы ко иисусу на едине, реша: почто мы не возмогохом изгнати его?
20 иисус же рече им: за неверствие ваше: аминь бо глаголю вам: аще имате веру яко зерно горушно, речете горе сей: прейди отсюду тамо, и прейдет: и ничтоже невозможно будет вам:
21 сей же род не исходит, токмо молитвою и постом.
22 Живущим же им в галилеи, рече им иисус: предан имать быти сын человеческий в руце человеком,
23 и убиют его, и в третий день востанет. И скорбни быша зело.
24 (Зачало 73) Пришедшим же им в капернаум, приступиша приемлющии дидрахмы к петрови и реша: учитель ваш не даст ли дидрахмы?
25 Глаголя: ей. И егда вниде в дом, предвари его иисус, глаголя: что ти мнится, симоне? царие земстии от киих приемлют дани или кинсонъ? от своих ли сынов, или от чужихъ?
26 Глагола ему петр: от чужих. Рече ему иисус: убо свободни суть сынове:
27 но да не соблазним их, шед на море, верзи удицу, и, юже прежде имеши рыбу, возми: и отверз уста ей, обрящеши статир: той взем даждь им за мя и за ся.
1 В той час приступиша ученицы ко иисусу, глаголюще: кто убо болий есть в царствии небеснемъ?
2 И призвав иисус отроча, постави е посреде ихъ
3 и рече: аминь глаголю вам, аще не обратитеся и будете яко дети, не внидете в царство небесное:
4 иже убо смирится яко отроча сие, той есть болий во царствии небеснем:
5 и иже аще приимет отроча таково во имя мое, мене приемлет:
6 а иже аще соблазнит единаго малых сихъ верующих в мя, уне есть ему, да обесится жернов оселский на выи его, и потонетъ в пучине морстей.
7 Горе миру от соблазн: нужда бо есть приити соблазном: обаче горе человеку тому, имже соблазн приходит.
8 Аще ли рука твоя или нога твоя соблажняетъ тя, отсецы ю и верзи от себе: добрейше ти есть внити в живот хрому или бедну [без руки], неже две руце и две нозе имущу ввержену быти во огнь вечный:
9 и аще око твое соблажняет тя, изми е и верзи от себе: добрейше ти есть со единем оком в живот внити, неже две оце имущу ввержену быти в геенну огненную.
10 (Зачало 75) Блюдите, да не презрите единаго (от) малых сих: глаголю бо вам, яко ангели их на небесех выну видят лице отца моего небеснаго.
11 Прииде бо сын человеческий (взыскати и) спасти погибшаго.
12 Что вам мнится? Аще будет некоему человеку сто овец, и заблудит едина от них: не оставит ли девятьдесят и девять в горахъ и шед ищет заблуждшия?
13 и аще будет [приключится] обрести ю, аминь глаголю вам, яко радуется о ней паче, неже о девятидесятих и девяти не заблуждших.
14 Тако несть воля пред отцем вашим небесным, да погибнет един от малых сих.
15 Аще же согрешит к тебе брат твой, иди и обличи его между тобою и тем единем: аще тебе послушает, приобрел еси брата твоего:
16 аще ли тебе не послушает, поими с собою еще единаго или два, да при устехъ двою или триех свидетелей станет всяк глагол:
17 аще же не послушает их, повеждь церкви: аще же и церковь преслушает, буди тебе якоже язычник и мытарь.
18 (Зачало 76) Аминь (бо) глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех.
19 Паки аминь глаголю вам, яко аще два от вас совещаета на земли о всяцей вещи, еяже аще просита, будет има от отца моего, иже на небесех:
20 идеже бо еста два или трие собрани во имя мое, ту есмь посреде их.
21 Тогда приступль к нему петр рече: господи, колькраты аще согрешит в мя брат мой, и отпущу ли ему до седмь кратъ?
22 глагола ему иисус: не глаголю тебе: до седмь крат, но до седмьдесят крат седмерицею.
23 (Зачало 77) Сего ради уподобися царствие небесное человеку царю, иже восхоте стязатися о словеси с рабы своими.
24 Наченшу же ему стязатися, приведоша ему единаго должника тмою талант:
25 не имущу же ему воздати, повеле и господь его продати, и жену его, и чада, и вся, елика имеяше, и отдати.
26 Пад убо раб той, кланяшеся ему, глаголя: господи, потерпи на мне, и вся ти воздам.
27 Милосердовав же господь раба того, прости его и долг отпусти ему.
28 Изшед же раб той, обрете единаго (от) клеврет своих, иже бе должен ему стомъ пенязь: и емь его давляше, глаголя: отдаждь ми, имже (ми) еси должен.
29 Пад убо клеврет его на нозе его, моляше его, глаголя: потерпи на мне, и вся воздам ти.
30 он же не хотяше, но вед всади его в темницу, дондеже воздаст должное.
31 Видевше же клеврети его бывшая, сжалиша си зело и пришедше сказаша господину своему вся бывшая.
32 Тогда призвав его господин его, глагола ему: рабе лукавый, весь долг он отпустихъ тебе, понеже умолил мя еси:
33 не подобаше ли и тебе помиловати клеврета твоего, якоже и аз тя помиловахъ?
34 И прогневався господь его, предаде его мучителем, дондеже воздаст весь долг свой.
35 Тако и отец мой небесный сотворит вам, аще не отпустите кийждо брату своему от сердецъ ваших прегрешения их.
1 И бысть егда сконча иисус словеса сия, прейде от галилеи и прииде в пределы иудейския об он пол иордана.
2 И по нем идоша народи мнози, и исцели их ту.
3 (Зачало 78) И приступиша к нему фарисее искушающе его и глаголаша ему: аще достоит человеку пустити жену свою по всяцей вине?
4 он же отвещав рече им: несте ли чли, яко сотворивый искони, мужеский пол и женский сотворил я есть?
5 И рече: сего ради оставит человек отца (своего) и матерь и прилепится к жене своей, и будета оба в плоть едину,
6 якоже ктому неста два, но плоть едина: еже убо бог сочета, человек да не разлучает.
7 Глаголаша ему: что убо моисей заповеда дати книгу распустную и отпустити ю?
8 глагола им: яко моисей по жестосердию вашему повеле вам пустити жены ваша: изначала же не бысть тако:
9 глаголю же вам, яко иже аще пустит жену свою, разве словесе прелюбодейна, и оженится иною, прелюбы творит: и женяйся пущеницею прелюбы деет.
10 Глаголаша ему ученицы его: аще тако есть вина человеку с женою, лучше есть не женитися.
11 он же рече им: не вси вмещают словесе сего, но имже дано есть:
12 суть бо скопцы, иже из чрева матерня родишася тако: и суть скопцы, иже скопишася от человек: и суть скопцы, иже исказиша сами себе царствия ради небеснаго: могий вместити да вместит.
13 Тогда приведоша к нему дети, да руце возложитъ на них и помолится: ученицы же запретиша им.
14 иисус же рече (имъ): оставите детей и не возбраняйте им приити ко мне: таковых бо есть царство небесное.
15 И возложь на них руце, отиде оттуду.
16 (Зачало 79) И се, един (некий) приступль рече ему: учителю благий, что благо сотворю, да имам живот вечный?
17 он же рече ему: что мя глаголеши блага? никтоже благ, токмо един бог: аще ли хощеши внити в живот, соблюди заповеди.
18 Глагола ему: кия? иисус же рече: еже, не убиеши: не прелюбы сотвориши: не украдеши: не лжесвидетелствуеши:
19 чти отца и матерь: и: возлюбиши искренняго твоего яко сам себе.
20 Глагола ему юноша: вся сия сохранихъ от юности моея: что есмь еще не докончалъ?
21 Рече ему иисус: аще хощеши совершенъ быти, иди, продаждь имение твое и даждь нищим: и имети имаши сокровище на небеси: и гряди вслед мене.
22 Слышав же юноша слово, отиде скорбя: бе бо имея стяжания многа.
23 иисус же рече учеником своим: аминь глаголю вам, яко неудобь богатый внидет в царствие небесное:
24 паки же глаголю вам: удобее есть велбуду сквозе иглине уши проити, неже богату в царствие божие внити.
25 Слышавше же ученицы его, дивляхуся зело, глаголюще: кто убо может спасен быти?
26 Воззрев же иисус рече им: у человекъ сие невозможно есть, у бога же вся возможна.
27 Тогда отвещав петр рече ему: се, мы оставихом вся и вслед тебе идохом: что убо будет намъ?
28 иисус же рече им: аминь глаголю вам, яко вы шедшии по мне, в пакибытие, егда сядетъ сын человеческий на престоле славы своея, сядете и вы на двоюнадесяте престолу, судяще обеманадесяте коленома израилевома:
29 и всяк, иже оставит дом, или братию, или сестры, или отца, или матерь, или жену, или чада, или села, имене моего ради, сторицею приимет и живот вечный наследит:
30 мнози же будут перви последнии, и последни первии.
1 Подобно бо есть царствие небесное человеку домовиту, иже изыде купно [зело] утро наяти делатели в виноград свой,
2 и совещав с делатели по пенязю на день, посла их в виноград свой.
3 И изшед в третий час, виде ины стоящя на торжищи праздны,
4 и тем рече: идите и вы в виноград мой, и еже будет правда, дам вам. они же идоша.
5 Паки же изшед в шестый и девятый час, сотвори такоже.
6 Во единыйженадесять час изшед, обрете другия стоящя праздны и глагола им: что зде стоите весь день праздни?
7 Глаголаша ему: яко никтоже нас наят. Глагола им: идите и вы в виноград (мой), и еже будет праведно, приимете.
8 Вечеру же бывшу, глагола господин винограда к приставнику своему: призови делатели и даждь им мзду, начен от последних до первых.
9 И пришедше иже во единыйнадесять час, прияша по пенязю.
10 Пришедше же первии мняху, яко вящше приимут: и прияша и тии по пенязю:
11 приемше же роптаху на господина,
12 глаголюще, яко сии последнии един часъ сотвориша, и равных нам сотворил их еси, понесшим тяготу дне и вар.
13 он же отвещав рече единому их: друже, не обижу тебе: не по пенязю ли совещалъ еси со мною?
14 возми твое и иди: хощу же и сему последнему дати, якоже и тебе:
15 или несть ми леть сотворити, еже хощу, во своих ми? аще око твое лукаво есть, яко аз благ есмь?
16 Тако будут последнии перви, и первии последни: мнози бо суть звани, мало же избранных.
17 (Зачало 81) И восходя иисус во иерусалим, поятъ обанадесяте ученика едины [особь] на пути и рече им:
18 се, восходим во иерусалим, и сын человеческий предан будет архиереем и книжником: и осудят его на смерть,
19 и предадят его языком на поругание и биение и пропятие: и в третий день воскреснет.
20 Тогда приступи к нему мати сыну зеведеову с сынома своима, кланяющися и просящи нечто от него.
21 он же рече ей: чесо хощеши? Глагола ему: рцы, да сядета сия оба сына моя, един одесную тебе, и един ошуюю (тебе), во царствии твоем.
22 отвещав же иисус рече: не веста, чесо просита: можета ли пити чашу, юже аз имамъ пити, или крещением, имже аз крещаюся, креститися? Глаголаста ему: можева.
23 И глагола има: чашу убо мою испиета, и крещением, имже аз крещаюся, имате креститися: а еже сести одесную мене и ошуюю мене, несть мое дати, но имже уготовася от отца моего.
24 И слышавше десять, негодоваша о обою брату.
25 иисус же призвав их, рече: весте, яко князи язык господствуют ими, и велицыи обладаютъ ими:
26 не тако же будет в вас: но иже аще хощетъ в вас вящший быти, да будет вам слуга:
27 и иже аще хощет в вас быти первый, буди вам раб:
28 якоже сын человеческий не прииде, да послужатъ ему, но послужити и дати душу свою избавление за многих.
29 (Зачало 82) И исходящу ему от иерихона, по нем иде народ мног.
30 И се, два слепца седяща при пути, слышавша, яко иисус мимоходит, возописта, глаголюща: помилуй ны, господи, сыне давидов.
31 Народ же прещаше има, да умолчита: она же паче вопияста, глаголюща: помилуй ны, господи, сыне давидов.
32 И востав иисус возгласи я и рече: что хощета, да сотворю вама?
33 Глаголаста ему: господи, да отверзетеся очи наю.
34 милосердовав же иисус прикоснуся очию има: и абие прозреста има очи, и по нем идоста.
1 И егда приближишася во иерусалим и приидоша в вифсфагию к горе елеонстей, тогда иисусъ посла два ученика,
2 глаголя има: идита в весь, яже прямо вама: и абие обрящета осля привязано, и жребя с ним: отрешивша приведита ми:
3 и аще вама кто речет что, речета, яко господь ею требует: абие же послет я.
4 Сие же все бысть, да сбудется реченное пророком, глаголющим:
5 рцыте дщери сионове: се, царь твой грядетъ тебе кроток, и всед на осля и жребя, сына подъяремнича.
6 Шедша же ученика и сотворша, якоже повеле има иисус,
7 приведоста осля и жребя: и возложиша верху ею ризы своя, и вседе верху их.
8 Множайшии же народи постилаху ризы своя по пути: друзии же резаху ветви от древ и постилаху по пути.
9 Народи же предходящии (ему) и вследствующии зваху, глаголюще: осанна сыну давидову: благословенъ грядый во имя господне: осанна в вышних.
10 И вшедшу ему во иерусалим, потрясеся весь град, глаголя: кто есть сей?
11 Народи же глаголаху: сей есть иисус пророк, иже от назарета галилейска.
12 (Зачало 83) И вниде иисус в церковь божию и изгна вся продающия и купующия в церкви, и трапезы торжником испроверже и седалища продающихъ голуби,
13 и глагола им: писано есть: храм мой храмъ молитвы наречется: вы же сотвористе и вертепъ разбойником.
14 И приступиша к нему хромии и слепии въ церкви: и исцели их.
15 Видевше же архиерее и книжницы чудеса, яже сотвори, и отроки зовущя в церкви и глаголющя: осанна сыну давидову, негодоваша
16 и реша ему: слышиши ли, что сии глаголютъ? иисус же рече им: ей: несте ли чли николиже, яко из уст младенец и ссущих совершилъ еси хвалу?
17 И оставль их, изыде вон из града в вифанию и водворися ту.
18 (Зачало 84) утру же возвращься во град, взалка:
19 и узрев смоковницу едину при пути, прииде к ней, и ничтоже обрете на ней, токмо листвие едино, и глагола ей: да николиже от тебе плода будет во веки. И абие изсше смоковница.
20 И видевше ученицы дивишася, глаголюще: како абие изсше смоковница?
21 отвещав же иисус рече им: аминь глаголю вам: аще имате веру и не усумнитеся, не токмо смоковничное сотворите, но аще и горе сей речете: двигнися и верзися в море, будет:
22 и вся, елика аще воспросите в молитве верующе, приимете.
23 (Зачало 85) И пришедшу ему в церковь, приступиша к нему учащу архиерее и старцы людстии, глаголюще: коею властию сия твориши? и кто ти даде власть сию?
24 отвещав же иисус рече им: вопрошу вы и аз слово едино: еже аще речете мне, и аз вам реку, коею властию сия творю:
25 крещение иоанново откуду бе? с небесе ли, или от человекъ? они же помышляху в себе, глаголюще: аще речем, с небесе: речет нам: почто убо не веровасте ему?
26 аще ли речем, от человек: боимся народа: вси бо имут иоанна яко пророка.
27 И отвещавше иисусови реша: не вемы. Рече им и той: ни аз вам глаголю, коею властию сия творю.
28 (Зачало 86) Что же ся вам мнитъ? Человекъ некий имяше два сына, и пришед к первому, рече: чадо, иди днесь, делай в винограде моем.
29 он же отвещав рече: не хощу: последи же раскаявся, иде.
30 И приступль к другому, рече такоже. онъ же отвещав рече: аз, господи (иду): и не иде.
31 Кий от обою сотвори волю отчу? Глаголаша ему: первый. глагола им иисус: аминь глаголю вам, яко мытари и любодейцы варяют вы в царствии божии:
32 прииде бо к вам иоанн (креститель) путемъ праведным, и не веровасте ему, мытари же и любодейцы вероваша ему: вы же видевше, не раскаястеся последи веровати ему.
33 (Зачало 87) Ину притчу слышите. Человек некий бе домовит, иже насади виноград, и оплотомъ огради его, и ископа в нем точило, и созда столп, и вдаде и делателем, и отиде.
34 егда же приближися время плодов, посла рабы своя к делателем прияти плоды его:
35 и емше делателе рабов его, оваго убо биша, оваго же убиша, оваго же камением побиша.
36 Паки посла ины рабы множайша первых: и сотвориша им такоже.
37 Последи же посла к ним сына своего, глаголя: усрамятся сына моего.
38 Делателе же видевше сына, реша в себе: сей есть наследник: приидите, убиемъ его и удержим достояние его.
39 И емше его изведоша вон из винограда и убиша.
40 егда убо приидет господин винограда, что сотворит делателем темъ?
41 Глаголаша ему: злых зле погубит их, и виноград предаст иным делателем, иже воздадят ему плоды во времена своя.
42 глагола им иисус: несте ли чли николиже въ писаниих: камень, егоже не в ряду сотвориша [небрегоша] зиждущии, сей бысть во главу угла? от господа бысть сие, и есть дивно во очию вашею [нашею].
43 (Зачало 88) Сего ради глаголю вам, яко отимется от вас царствие божие и дастся языку творящему плоды его:
44 и падый на камени сем сокрушится: а на немже падет, сотрыет и.
45 И слышавше архиерее и фарисее притчи его, разумеша, яко о них глаголет:
46 и ищуще его яти, убояшася народа, понеже яко пророка его имеяху.
1 И отвещав иисус, паки рече им в притчах, глаголя:
2 уподобися царствие небесное человеку царю, иже сотвори браки сыну своему
3 и посла рабы своя призвати званныя на браки: и не хотяху приити.
4 Паки посла ины рабы, глаголя: рцыте званным: се, обед мой уготовах, юнцы мои и упитанная исколена, и вся готова: приидите на браки.
5 они же небрегше отидоша, ов убо на село свое, ов же на купли своя:
6 прочии же емше рабов его, досадиша имъ и убиша их.
7 И слышав царь той разгневася, и пославъ воя своя, погуби убийцы оны и град ихъ зажже.
8 Тогда глагола рабом своим: брак убо готов есть, званнии же не быша достойни:
9 идите убо на исходища путий, и елицехъ аще обрящете, призовите на браки.
10 И изшедше раби они на распутия, собраша всех, елицех обретоша, злых же и добрых: и исполнися брак возлежащих.
11 Вшед же царь видети возлежащих, виде ту человека не оболчена во одеяние брачное,
12 и глагола ему: друже, како вшел еси семо не имый одеяния брачна? он же умолча.
13 Тогда рече царь слугам: связавше ему руце и нозе, возмите его и вверзите во тму кромешнюю: ту будет плачь и скрежет зубом:
14 мнози бо суть звани, мало же избранных.
15 (Зачало 90) Тогда шедше фарисее, совет восприяша, яко да обольстят его словом.
16 И посылают к нему ученики своя со иродианы, глаголюще: учителю, вемы, яко истинен еси, и пути божию воистинну учиши, и нерадиши ни о комже: не зриши бо на лице человеком:
17 рцы убо нам, что ти ся мнитъ? достойно ли есть дати кинсон кесареви, или ни?
18 Разумев же иисус лукавство их, рече: что мя искушаете, лицемери?
19 покажите ми златицу кинсонную. они же принесоша ему пенязь.
20 И глагола им: чий образ сей и написание?
21 (И) глаголаша ему: кесарев. Тогда глагола им: воздадите убо кесарева кесареви, и божия богови.
22 И слышавше дивишася: и оставльше его отидоша.
23 (Зачало 91) В той день приступиша к нему саддукее, иже глаголют не быти воскреснию, и вопросиша его,
24 глаголюще: учителю, моисей рече: аще кто умрет не имый чад, (да) поймет брат его жену его и воскресит семя брата своего:
25 беша же в нас седмь братия: и первый оженься умре, и не имый семене, остави жену свою брату своему:
26 такожде же и вторый, и третий, даже до седмаго:
27 последи же всех умре и жена:
28 в воскресение убо, котораго от седмихъ будет жена? вси бо имеша ю.
29 отвещав же иисус рече им: прельщаетеся, не ведуще писания, ни силы божия:
30 в воскресение бо ни женятся, ни посягают, но яко ангели божии на небеси суть:
31 о воскреснии же мертвых несте ли чли реченнаго вам богом, глаголющим:
32 аз есмь бог авраамов, и бог исааков, и бог иаковль? несть бог бог мертвых, но (богъ) живых.
33 И слышавше народи дивляхуся о учении его.
34 (Зачало 92) Фарисее же слышавше, яко посрами саддукеи, собрашася вкупе.
35 И вопроси един от них законоучитель, искушая его и глаголя:
36 учителю, кая заповедь болши (есть) въ законе?
37 иисус же рече ему: возлюбиши господа бога твоего всем сердцем твоим, и всею душею твоею, и всею мыслию твоею:
38 сия есть первая и болшая заповедь:
39 вторая же подобна ей: возлюбиши искренняго твоего яко сам себе:
40 в сию обою заповедию весь закон и пророцы висят.
41 Собравшимся же фарисеом, вопроси их иисус,
42 глаголя: что вам мнится о христе? чий есть сынъ? Глаголаша ему: давидов.
43 глагола им: како убо давид духом господа его нарицает, глаголя:
44 рече господь господеви моему: седи одесную мене, дондеже положу враги твоя подножие ногама твоима?
45 аще убо давид нарицает его господа, како сын ему есть?
46 И никтоже можаше отвещати ему словесе: ниже смеяше кто от того дне вопросити его ктому.
1 Тогда иисус глагола к народом и учеником своим,
2 глаголя: на моисеове седалищи седоша книжницы и фарисее:
3 вся убо, елика аще рекут вам блюсти, соблюдайте и творите: по делом же их не творите: глаголют бо, и не творят:
4 связуют бо бремена тяжка и бедне носима, и возлагают на плеща человеческа, перстомъ же своим не хотят двигнути их.
5 Вся же дела своя творят, да видими будутъ человеки: разширяют же хранилища своя и величаютъ воскрилия риз своих:
6 любят же преждевозлегания на вечерях, и преждеседания на сонмищих,
7 и целования на торжищих, и зватися от человек: учителю, учителю.
8 Вы же не нарицайтеся учителие: единъ бо есть ваш учитель, христос: вси же вы братия есте:
9 и отца не зовите себе на земли: единъ бо есть отец ваш, иже на небесех:
10 ниже нарицайтеся наставницы: един бо есть наставник ваш, христос.
11 Болий же в вас да будет вам слуга:
12 иже бо вознесется, смирится: и смиряяйся вознесется.
13 (Зачало 94) Горе вам, книжницы и фарисее, лицемери, яко затворяете царствие небесное предъ человеки: вы бо не входите, ни входящих оставляете внити.
14 Горе вам, книжницы и фарисее, лицемери, яко снедаете домы вдовиц, и виною далече молитвы творяще [и лицемерно на долзе молитвы творите]: сего ради лишшее приимете осуждение.
15 Горе вам, книжницы и фарисее, лицемери, яко преходите море и сушу, сотворити единаго пришелца: и егда будет, творите его сына геенны сугубейша вас.
16 Горе вам, вожди слепии, глаголющии: иже аще кленется церковию, ничесоже есть: а иже кленется златом церковным, должен есть.
17 Буи и слепии, что бо более есть, злато ли, или церковь, святящая злато?
18 И: иже аще кленется олтарем, ничесоже есть: а иже кленется даром, иже верху его, должен есть.
19 Буи и слепии, что бо более, дар ли, или олтарь, святяй даръ?
20 Иже убо кленется олтарем, кленется им и сущим верху его:
21 и иже кленется церковию, кленется ею и живущим в ней:
22 и кленыйся небесем кленется престолом божиимъ и седящим на нем.
23 (Зачало 95) Горе вам, книжницы и фарисее, лицемери, яко одесятствуете мятву и копръ и кимин, и остависте вящшая закона, суд и милость и веру: сия (же) подобаше творити, и онех не оставляти.
24 Вожди слепии, оцеждающии комары, велблуды же пожирающе.
25 Горе вам, книжницы и фарисее лицемери, яко очищаете внешнее сткляницы и блюда, внутрьуду же суть полни хищения и неправды:
26 фарисее слепый, очисти прежде внутреннее сткляницы и блюда, да будет и внешнее има чисто.
27 Горе вам, книжницы и фарисее, лицемери, яко подобитеся гробом повапленым, иже внеуду убо являются красны, внутрьуду же полни суть костей мертвых и всякия нечистоты:
28 тако и вы, внеуду убо являетеся человекомъ праведни, внутрьуду же есте полни лицемерия и беззакония.
29 (Зачало 96) Горе вам, книжницы и фарисее, лицемери, яко зиждете гробы пророческия, и красите раки праведных,
30 и глаголете: аще быхом были во дни отецъ наших, не быхом убо общницы им были в крови пророк:
31 темже сами свидетелствуете себе, яко сынове есте избивших пророки:
32 и вы исполните меру отец ваших.
33 змия, порождения ехиднова, како убежите от суда (огня) геенскаго?
34 Сего ради, се, аз послю к вам пророки и премудры и книжники: и от них убиете и распнете, и от них биете на сонмищих ваших, и изженете от града во град:
35 яко да приидет на вы всяка кровь праведна, проливаемая на земли, от крове авеля праведнаго до крове захарии сына варахиина, егоже убисте между церковию и олтарем.
36 Аминь глаголю вам: (яко) приидут вся сия на род сей.
37 иерусалиме, иерусалиме, избивый пророки и камением побиваяй посланныя к тебе, колькраты восхотех собрати чада твоя, якоже собираетъ кокош птенцы своя под криле, и не восхотесте?
38 Се, оставляется вам дом ваш пуст.
39 глаголю бо вам: (яко) не имате мене видети отселе, дондеже речете: благословен грядый во имя господне.
1 И изшед иисус идяше от церкве. И приступиша (к нему) ученицы его показати ему здания церковная.
2 иисус же рече им: не видите ли вся сия? аминь глаголю вам, не имать остати зде камень на камени, иже не разорится.
3 (Зачало 98) Седящу же ему на горе елеонстей, приступиша к нему ученицы на едине, глаголюще: рцы нам, когда сия будутъ? и что есть знамение твоего пришествия и кончина века?
4 И отвещав иисус рече им: блюдите, да никтоже вас прельстит:
5 мнози бо приидут во имя мое, глаголюще: азъ есмь христос: и многи прельстят.
6 услышати же имате брани и слышания бранем. Зрите, не ужасайтеся, подобает бо всем (симъ) быти: но не тогда есть кончина.
7 Востанет бо язык на язык, и царство на царство: и будут глади и пагубы и труси по местом:
8 вся же сия начало болезнем.
9 Тогда предадят вы в скорби и убиютъ вы: и будете ненавидими всеми языки имене моего ради.
10 И тогда соблазнятся мнози, и друг друга предадят, и возненавидят друг друга:
11 и мнози лжепророцы востанут и прельстятъ многия:
12 и за умножение беззакония, изсякнет любы многих.
13 (Зачало 99) Претерпевый же до конца, той спасется.
14 И проповестся сие евангелие царствия по всей вселенней, во свидетелство всем языком: и тогда приидет кончина.
15 егда убо узрите мерзость запустения, реченную даниилом пророком, стоящу на месте святе: иже чтет, да разумеет:
16 тогда сущии во иудеи да бежат на горы:
17 (и) иже на крове, да не сходит взяти яже в дому его:
18 и иже на селе, да не возвратится вспять взяти риз своих.
19 Горе же непраздным и доящим в тыя дни.
20 Молитеся же, да не будет бегство ваше въ зиме, ни в субботу.
21 Будет бо тогда скорбь велия, яковаже не была от начала мира доселе, ниже имать быти.
22 И аще не быша прекратилися дние оны, не бы убо спаслася всяка плоть: избранныхъ же ради прекратятся дние оны.
23 Тогда аще кто речет вам: се, зде христос, или онде: не имите веры:
24 востанут бо лжехристи и лжепророцы и дадятъ знамения велия и чудеса, якоже прельстити, аще возможно, и избранныя.
25 Се, прежде рех вам.
26 Аще убо рекут вам: се, в пустыни есть, не изыдите: се, в сокровищих, не имите веры:
27 (Зачало 100) якоже бо молния исходит от восток и является до запад, тако будет пришествие сына человеческаго:
28 идеже бо аще будет труп, тамо соберутся орли.
29 Абие же, по скорби дний тех, солнце померкнет, и луна не даст света своего, и звезды спадутъ с небесе, и силы небесныя подвигнутся:
30 и тогда явится знамение сына человеческаго на небеси: и тогда восплачутся вся колена земная и узрят сына человеческаго грядуща на облацехъ небесных с силою и славою многою:
31 и послет ангелы своя с трубным гласомъ велиим, и соберут избранныя его от четырехъ ветр, от конец небес до конец их.
32 от смоковницы же научитеся притчи: егда уже ваия ея будут млада, и листвие прозябнет, ведите, яко близ есть жатва:
33 тако и вы, егда видите сия вся, ведите, яко близ есть, при дверех.
34 (Зачало 101) Аминь глаголю вам, не мимоидет родъ сей, дондеже вся сия будут:
35 небо и земля мимоидет, словеса же моя не мимоидут.
36 (Зачало 102) о дни же том и часе никтоже весть, ни ангели небеснии, токмо отец мой един:
37 якоже (бо бысть во) дни ноевы, тако будетъ и пришествие сына человеческаго:
38 якоже бо беху во дни прежде потопа ядуще и пиюще, женящеся и посягающе, до негоже дне вниде ное в ковчег,
39 и не уведеша, дондеже прииде вода и взят вся: тако будет и пришествие сына человеческаго:
40 тогда два будета на селе: един поемлется, а другий оставляется:
41 две мелюще в жерновах: едина поемлется, и едина оставляется.
42 (Зачало 103) Бдите убо, яко не весте, в кий час господь ваш приидет.
43 Сие же ведите, яко аще бы ведал дому владыка, в кую стражу тать приидет, бделъ убо бы и не бы дал подкопати храма своего.
44 Сего ради и вы будите готови: яко, въ оньже час не мните, сын человеческий приидет.
45 Кто убо есть верный раб и мудрый, егоже поставит господин его над домомъ своим, еже даяти им пищу во время (ихъ)?
46 блажен раб той, егоже, пришед господинъ его, обрящет тако творяща:
47 аминь глаголю вам, яко над всем имениемъ своим поставит его.
48 Аще ли же речет злый раб той в сердцы своем: коснит господин мой приити,
49 и начнет бити клевреты своя, ясти же и пити с пияницами:
50 приидет господин раба того в день, в оньже не чает, и в час, в оньже не весть,
51 и растешет его полма, и часть его с неверными положит: ту будет плачь и скрежетъ зубом.
1 Тогда уподобися царствие небесное десятим девам, яже прияша светилники своя и изыдоша в сретение жениху:
2 пять же бе от них мудры и пять юродивы.
3 Юродивыя же, приемша светилники своя, не взяша с собою елеа:
4 мудрыя же прияша елей в сосудех со светилники своими:
5 коснящу же жениху, воздремашася вся и спаху.
6 Полунощи же вопль бысть: се, жених грядет, исходите в сретение его.
7 Тогда восташа вся девы тыя и украсиша светилники своя.
8 Юродивыя же мудрым реша: дадите нам от елеа вашего, яко светилницы наши угасают.
9 отвещаша же мудрыя, глаголюща: еда како не достанет нам и вам: идите же паче к продающимъ и купите себе.
10 Идущим же им купити, прииде жених: и готовыя внидоша с ним на браки, и затворены быша двери.
11 Последи же приидоша и прочия девы, глаголющя: господи, господи, отверзи нам.
12 он же отвещав рече им: аминь глаголю вам, не вем вас.
13 Бдите убо, яко не весте дне ни часа, в оньже сын человеческий приидет.
14 (Зачало 105) якоже бо человек некий отходя призва своя рабы и предаде им имение свое:
15 и овому убо даде пять талант, овому же два, овому же един, комуждо противу силы его: и отиде абие.
16 Шед же приемый пять талант, дела в нихъ и сотвори другия пять талант:
17 такожде и иже два, приобрете и той другая два:
18 приемый же един, шед вкопа (его) въ землю и скры сребро господина своего.
19 По мнозе же времени прииде господин рабъ тех и стязася с ними о словеси.
20 И приступль пять талант приемый, принесе другия пять талант, глаголя: господи, пять талантъ ми еси предал: се, другия пять талант приобретохъ ими.
21 Рече же ему господь его: добре, рабе благий и верный: о мале был еси верен, над многими тя поставлю: вниди в радость господа твоего.
22 Приступль же и иже два таланта приемый, рече: господи, два таланта ми еси предал: се, другая два таланта приобретох има.
23 Рече (же) ему господь его: добре, рабе благий и верный: о мале (ми) был еси верен, над многими тя поставлю: вниди в радость господа твоего.
24 Приступль же и приемый един талант, рече: господи, ведях тя, яко жесток еси человек, жнеши, идеже не сеял еси, и собираеши идеже не расточил еси:
25 и убоявся, шед скрых талант твой въ земли: (и) се, имаши твое.
26 отвещав же господь его рече ему: лукавый рабе и ленивый, ведел еси, яко жну идеже не сеях, и собираю идеже не расточих:
27 подобаше убо тебе вдати сребро мое торжником, и пришед аз взял бых свое с лихвою:
28 возмите убо от него талант и дадите имущему десять талант:
29 имущему бо везде дано будет и преизбудет: от неимущаго же, и еже мнится имея, взято будет от него:
30 и неключимаго раба вверзите во тму кромешнюю: ту будет плачь и скрежет зубом. Сия глаголя возгласи: имеяй уши слышати да слышит.
31 (Зачало 106) егда же приидет сын человеческий в славе своей и вси святии ангели с ним, тогда сядет на престоле славы своея,
32 и соберутся пред ним вси языцы: и разлучитъ их друг от друга, якоже пастырь разлучаетъ овцы от козлищ:
33 и поставит овцы одесную себе, а козлища ошуюю.
34 Тогда речет царь сущим одесную его: приидите, благословеннии отца моего, наследуйте уготованное вам царствие от сложения мира:
35 взалкахся бо, и дасте ми ясти: возжадахся, и напоисте мя: странен бех, и введосте мене:
36 наг, и одеясте мя: болен, и посетисте мене: в темнице бех, и приидосте ко мне.
37 Тогда отвещают ему праведницы, глаголюще: господи, когда тя видехом алчуща, и напитахомъ? или жаждуща, и напоихомъ?
38 когда же тя видехом странна, и введохомъ? или нага, и одеяхомъ?
39 когда же тя видехом боляща, или в темнице, и приидохом к тебе?
40 И отвещав царь речет им: аминь глаголю вам, понеже сотвористе единому сих братий моих менших, мне сотвористе.
41 Тогда речет и сущим ошуюю (его): идите от мене, проклятии, во огнь вечный, уготованный диаволу и аггелом его:
42 взалкахся бо, и не дасте ми ясти: возжадахся, и не напоисте мене:
43 странен бех, и не введосте мене: наг, и не одеясте мене: болен и в темнице, и не посетисте мене.
44 Тогда отвещают ему и тии, глаголюще: господи, когда тя видехом алчуща, или жаждуща, или странна, или нага, или больна, или въ темнице, и не послужихом тебе?
45 Тогда отвещает им, глаголя: аминь глаголю вам, понеже не сотвористе единому сих менших, ни мне сотвористе.
46 И идут сии в муку вечную, праведницы же в живот вечный.
1 И бысть, егда сконча иисус вся словеса сия, рече учеником своим:
2 весте, яко по двою дню пасха будет, и сын человеческий предан будет на пропятие.
3 Тогда собрашася архиерее и книжницы и старцы людстии во двор архиереов, глаголемаго каиафы,
4 и совещаша, да иисуса лестию имут и убиют:
5 глаголаху же: но не в праздник, да не молва будет в людех.
6 (Зачало 108) иисусу же бывшу в вифании, в дому симона прокаженнаго,
7 приступи к нему жена, сткляницу мира имущи многоценнаго, и возливаше на главу его возлежаща.
8 Видевше же ученицы его негодоваша, глаголюще: чесо ради гибель сия (бысть)?
9 можаше бо сие миро продано быти на мнозе и датися нищим.
10 Разумев же иисус рече им: что труждаете жену? дело бо добро содела о мне:
11 всегда бо нищия имате с собою, мене же не всегда имате:
12 возлиявши бо сия миро сие на тело мое, на погребение мя сотвори:
13 аминь глаголю вам: идеже аще проповедано будет евангелие сие во всем мире, речется и еже сотвори сия, в память ея.
14 Тогда шед един от обоюнадесяте, глаголемый иуда искариотский, ко архиереом,
15 рече: что ми хощете дати, и аз вам предамъ его? они же поставиша ему тридесять сребреник:
16 и оттоле искаше удобна времене, да его предаст.
17 В первый же день опресночный приступиша ученицы ко иисусу, глаголюще ему: где хощеши уготоваем ти ясти пасху?
18 он же рече: идите во град ко онсице, и рцыте ему: учитель глаголет: время мое близъ есть: у тебе сотворю пасху со ученики моими.
19 И сотвориша ученицы, якоже повеле имъ иисус, и уготоваша пасху.
20 Вечеру же бывшу, возлежаше со обеманадесяте ученикома:
21 и ядущим им, рече: аминь глаголю вам, яко един от вас предаст мя.
22 И скорбяще зело, начаша глаголати ему един кийждо их: еда аз есмь, господи?
23 он же отвещав рече: омочивый со мною в солило руку, той мя предаст:
24 сын убо человеческий идет, якоже есть писано о нем: горе же человеку тому, имже сын человеческий предастся: добро бы было ему, аще не бы родился человек той.
25 отвещав же иуда предаяй его, рече: еда аз есмь, равви? глагола ему: ты реклъ еси.
26 ядущим же им, приемь иисус хлеб и благословив преломи, и даяше учеником, и рече: приимите, ядите: сие есть тело мое.
27 И прием чашу и хвалу воздав, даде им, глаголя: пийте от нея вси:
28 сия бо есть кровь моя, новаго завета, яже за многия изливаема во оставление грехов.
29 глаголю же вам, яко не имам пити отныне от сего плода лознаго, до дне того, егда е пию с вами ново во царствии отца моего.
30 И воспевше изыдоша в гору елеонску.
31 Тогда глагола им иисус: вси вы соблазнитеся о мне в нощь сию: писано бо есть: поражу пастыря, и разыдутся овцы стада:
32 по воскреснии же моем варяю вы в галилеи.
33 отвещав же петр рече ему: аще и вси соблазнятся о тебе, аз никогдаже соблажнюся.
34 Рече ему иисус: аминь глаголю тебе, яко в сию нощь, прежде даже алектор не возгласит, трикраты отвержешися мене.
35 Глагола ему петр: аще ми есть и умрети с тобою, не отвергуся тебе. Такожде и вси ученицы реша.
36 Тогда прииде с ними иисус в весь, нарицаемую гефсиманиа, и глагола учеником: седите ту, дондеже шед помолюся тамо.
37 И поем петра и оба сына зеведеова, начатъ скорбети и тужити.
38 Тогда глагола им иисус: прискорбна есть душа моя до смерти: пождите зде и бдите со мною.
39 И прешед мало, паде на лицы своем, моляся и глаголя: отче мой, аще возможно есть, да мимоидет от мене чаша сия: обаче не якоже аз хощу, но якоже ты.
40 И пришед ко учеником, и обрете ихъ спящих, и глагола петрови: тако ли не возмогосте единаго часа побдети со мною?
41 бдите и молитеся, да не внидете в напасть: дух убо бодр, плоть же немощна.
42 Паки вторицею шед помолися, глаголя: отче мой, аще не может сия чаша мимоити от мене, аще не пию ея, буди воля твоя.
43 И пришед обрете их паки спящих: беста бо им очи отяготене.
44 И оставль их, шед паки, помолися третицею, тожде слово рек.
45 Тогда прииде ко учеником своим и глагола им: спите прочее и почивайте: се, приближися час, и сын человеческий предается в руки грешников:
46 востаните, идем: се, приближися предаяй мя.
47 И еще ему глаголющу, се, иуда, единъ от обоюнадесяте, прииде, и с ним народъ мног со оружием и дрекольми, от архиерей и старец людских.
48 Предаяй же его даде им знамение, глаголя: егоже аще лобжу, той есть: имите его.
49 И абие приступль ко иисусови, рече: радуйся, равви. И облобыза его.
50 иисус же рече ему: друже, (твори,) на неже еси пришел [друже, на сие ли пришел еси?]. Тогда приступльше возложиша руце на иисуса и яша его.
51 И се, един от сущих со иисусом, простеръ руку, извлече нож свой, и удари раба архиереова, и уреза ему ухо.
52 Тогда глагола ему иисус: возврати нож твой в место его: вси бо приемшии нож ножемъ погибнут:
53 или мнится ти, яко не могу ныне умолити отца моего, и представит ми вящше неже дванадесяте легеона ангелъ?
54 како убо сбудутся писания, яко тако подобает быти?
55 В той час рече иисус народом: яко на разбойника ли изыдосте со оружием и дрекольми яти мя? по вся дни при вас седех учя в церкви, и не ясте мене.
56 Се же все бысть, да сбудутся писания пророческая. Тогда ученицы вси оставльше его бежаша.
57 (Зачало 109) (Воини) же емше иисуса ведоша к каиафе архиереови, идеже книжницы и старцы собрашася.
58 Петр же идяше по нем издалеча до двора архиереова: и вшед внутрь, седяше со слугами, видети кончину.
59 Архиерее же и старцы и сонм весь искаху лжесвидетелства на иисуса, яко да убиютъ его,
60 и не обретаху: и многим лжесвидетелемъ приступльшим, не обретоша. Послежде же приступивша два лжесвидетеля,
61 реста: сей рече: могу разорити церковь божию и треми денми создати ю.
62 И востав архиерей рече ему: ничесоже ли отвещаваеши, что сии на тя свидетелствуютъ?
63 иисус же молчаше. И отвещав архиерей рече ему: заклинаю тя богом живым, да речеши нам, аще ты еси христос, сын божий?
64 глагола ему иисус: ты рекл еси: обаче глаголю вам: отселе узрите сына человеческаго седяща одесную силы и грядуща на облацехъ небесных.
65 Тогда архиерей растерза ризы своя, глаголя, яко хулу глагола: что еще требуем свидетелей? се, ныне слышасте хулу его:
66 что вам мнится? они же отвещавше реша: повинен есть смерти.
67 Тогда заплеваша лице его и пакости ему деяху [и по ланитома бияху его]: овии же за ланиту удариша [заушаху его],
68 глаголюще: прорцы нам, христе, кто есть ударей тя?
69 Петр же вне седяше во дворе. И приступи к нему едина рабыня, глаголющи: и ты былъ еси со иисусом галилейским.
70 он же отвержеся пред всеми, глаголя: не вем, что глаголеши.
71 Изшедшу же ему ко вратом, узре его другая, и глагола сущим тамо: и сей бе со иисусом назореом.
72 И паки отвержеся с клятвою, яко не знаю человека.
73 Помале же приступивше стоящии, реша петрови: воистинну и ты от них еси, ибо беседа твоя яве тя творит.
74 Тогда начат ротитися и клятися, яко не знаю человека. И абие петель возгласи.
75 И помяну петр глагол иисусов, реченный ему, яко прежде даже петель не возгласит, трикраты отвержешися мене. И изшед вонъ плакася горько.
1 Утру же бывшу, совет сотвориша вси архиерее и старцы людстии на иисуса, яко убити его:
2 и связавше его ведоша и предаша его понтийскому пилату игемону.
3 (Зачало 111) Тогда видев иуда предавый его, яко осудиша его, раскаявся возврати тридесять сребреники архиереем и старцем,
4 глаголя: согреших предав кровь неповинную. они же реша: что есть намъ? ты узриши.
5 И поверг сребреники в церкви, отиде: и шед удавися.
6 Архиерее же приемше сребреники, реша: недостойно есть вложити их в корвану, понеже цена крове есть.
7 Совет же сотворше, купиша ими село скудельничо, в погребание странным:
8 темже наречеся село то [село крове], до сего дне:
9 тогда сбыстся реченное иеремием пророком, глаголющим: и прияша тридесять сребреник, цену цененнаго, егоже цениша от сыновъ израилев,
10 и даша я на село скудельничо, якоже сказа мне господь.
11 иисус же ста пред игемоном. И вопроси его игемон, глаголя: ты ли еси царь иудейский? иисус же рече ему: ты глаголеши.
12 И егда нань глаголаху архиерее и старцы, ничесоже отвещаваше.
13 Тогда глагола ему пилат: не слышиши ли, колика на тя свидетелствуютъ?
14 И не отвеща ему ни к единому глаголу, яко дивитися игемону зело.
15 На (всякъ) же праздник обычай бе игемону отпущати единаго народу связня, егоже хотяху:
16 имяху же тогда связана нарочита, глаголемаго варавву:
17 собравшимся же им, рече им пилат: кого хощете (от обою) отпущу вам: варавву ли, или иисуса глаголемаго христа?
18 Ведяше бо, яко зависти ради предаша его.
19 Седящу же ему на судищи, посла к нему жена его, глаголющи: ничтоже тебе и праведнику тому: много бо пострадах днесь во сне его ради.
20 Архиерее же и старцы наустиша народы, да испросят варавву, иисуса же погубят.
21 отвещав же игемон рече им: кого хощете от обою отпущу вамъ? они же реша: варавву.
22 Глагола им пилат: что убо сотворю иисусу глаголемому христу? Глаголаша ему вси: да распят будет.
23 Игемон же рече: кое убо зло сотвори? они же излиха вопияху, глаголюще: да пропятъ будет.
24 Видев же пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове праведнаго сего: вы узрите.
25 И отвещавше вси людие реша: кровь его на нас и на чадех наших.
26 Тогда отпусти им варавву: иисуса же бивъ предаде (имъ), да его пропнут.
27 (Зачало 112) Тогда воини игемоновы, приемше иисуса на судище, собраша нань все множество воин:
28 и совлекше его, одеяша его хламидою червленою:
29 и сплетше венец от терния, возложиша на главу его, и трость в десницу его: и поклоншеся на колену пред ним ругахуся ему, глаголюще: радуйся, царю иудейский.
30 И плюнувше нань, прияша трость и бияху по главе его.
31 И егда поругашася ему, совлекоша съ него багряницу и облекоша его в ризы его: и ведоша его на пропятие.
32 Исходяще же обретоша человека киринейска, именем симона: и сему задеша понести крестъ его.
33 (Зачало 113) И пришедше на место нарицаемое голгофа, еже есть глаголемо [краниево место],
34 даша ему пити оцет с желчию смешен: и вкушь, не хотяше пити.
35 Распеншии же его разделиша ризы его, вергше жребия:
36 и седяще стрежаху его ту:
37 и возложиша верху главы его вину его написану: сей есть иисус, царь иудейский.
38 Тогда распяша с ним два разбойника: единаго о десную, и единаго о шуюю.
39 Мимоходящии же хуляху его, покивающе
Главами своими
40 и глаголюще: разоряяй церковь и треми денми созидаяй, спасися сам: аще сын еси божий, сниди со креста.
41 Такожде же и архиерее ругающеся с книжники и старцы (и фарисеи), глаголаху:
42 иныя спасе, себе ли не может спасти? аще царь израилев есть, да снидет ныне со креста, и веруем в него:
43 упова на бога: да избавит ныне его, аще хощет ему. Рече бо, яко божий есмь сын.
44 Тожде же и разбойника распятая с ним поношаста ему.
45 от шестаго же часа тма бысть по всей земли до часа девятаго:
46 о девятем же часе возопи иисус гласомъ велиим, глаголя: или, или, лима савахфани? еже есть, боже мой, боже мой, вскую мя еси оставилъ?
47 Нецыи же от ту стоящих слышавше глаголаху, яко илию глашает сей.
48 И абие тек един от них, и приемь губу, исполнив же оцта, и вонзе на трость, напаяше его.
49 Прочии же глаголаху: остави, да видим, аще приидет илиа спасти его.
50 иисус же, паки возопив гласом велиим, испусти дух.
51 И се, завеса церковная раздрася на двое с вышняго края до нижняго: и земля потрясеся: и камение распадеся:
52 и гроби отверзошася: и многа телеса усопшихъ святых восташа:
53 и изшедше из гроб, по воскреснии его, внидоша во святый град и явишася мнозем.
54 Сотник же и иже с ним стрегущии иисуса, видевше трус и бывшая, убояшася зело, глаголюще: воистинну божий сын бе сей.
55 Бяху же ту и жены многи издалеча зрящя, яже идоша по иисусе от галилеи, служащя ему:
56 в нихже бе мариа магдалина, и мариа иакова и иосии мати, и мати сыну зеведеову.
57 Позде же бывшу, прииде человек богат от аримафеа, именем иосиф, иже и сам учися у иисуса:
58 сей приступль к пилату, проси телесе иисусова. Тогда пилат повеле дати тело.
59 И приемь тело иосиф, обвит е плащаницею чистою
60 и положи е в новем своем гробе, егоже изсече в камени: и возвалив камень велий над двери гроба, отиде.
61 Бе же ту мариа магдалина и другая мариа, седяще прямо гроба.
62 (Зачало 114) Во утрий же день, иже есть по пятце, собрашася архиерее и фарисее къ пилату,
63 глаголюще: господи, помянухом, яко льстецъ он рече, еще сый жив: по триех днехъ востану:
64 повели убо утвердити гроб до третияго дне, да не како пришедше ученицы его нощию украдут его и рекут людем: воста от мертвых: и будет последняя лесть горша первыя.
65 Рече же им пилат: имате кустодию: идите, утвердите, якоже весте.
66 они же шедше утвердиша гроб, знаменавше камень с кустодиею.
1 В вечер же субботный [по вечери же субботнемъ], свитающи во едину от суббот, прииде мариа магдалина и другая мариа, видети гроб.
2 И се, трус бысть велий: ангел бо господень сшед с небесе, приступль отвали камень от дверий гроба и седяше на нем:
3 бе же зрак его яко молния, и одеяние его бело яко снег.
4 от страха же его сотрясошася стрегущии и быша яко мертви.
5 отвещав же ангел рече женам: не бойтеся вы: вем бо, яко иисуса распятаго ищете:
6 несть зде: воста бо, якоже рече: приидите, видите место, идеже лежа господь,
7 и скоро шедше рцыте учеником его, яко воста от мертвых и се, варяет вы въ галилеи: тамо его узрите: се, рех вам.
8 И изшедше скоро от гроба со страхом и радостию велиею, текосте возвестити ученикомъ его.
9 егда же идясте возвестити ученикомъ его, и се, иисус срете я, глаголя: радуйтеся. оне же приступльше ястеся за нозе его и поклонистеся ему.
10 Тогда глагола има иисус: не бойтеся: идите, возвестите братии моей, да идут в галилею, и ту мя видят.
11 Идущема же има, се, нецыи от кустодии пришедше во град, возвестиша архиереом вся бывшая.
12 И собравшеся со старцы, совет сотвориша, сребреники доволны даша воином,
13 глаголюще: рцыте, яко ученицы его нощию пришедше украдоша его, нам спящим:
14 и аще сие услышано будет у игемона, мы утолим его и вас безпечальны сотворим.
15 они же приемше сребреники, сотвориша, якоже научени быша. И промчеся слово сие во иудеехъ даже до сего дне.
16 (Зачало 116) единии же надесяте ученицы идоша в галилею, в гору, аможе повеле имъ иисус:
17 и видевше его, поклонишася ему: ови же усумнешася.
18 И приступль иисус, рече им, глаголя: дадеся ми всяка власть на небеси и на земли:
19 шедше убо научите вся языки, крестяще их во имя отца и сына и святаго духа,
20 учаще их блюсти вся, елика заповедахъ вам: и се, аз с вами есмь во вся дни до скончания века. Аминь.
Конец еже от матфеа святаго евангелиа: имать в себе глав 28, зачал же церковных 116.
Заметили ошибку в тексте? Выделите её мышкой и нажмите Ctrl+Enter
<<< | ОГЛАВЛЕНИЕ | БИБЛИОТЕКА | >>>